Marcos 11:14 - Maung A Balita Biblia

¹⁴ Inkuanen Jesus ed samay kiew ya igos, “Anggapo lan balut so mangay bungam!” Nadngel ya na saray disipulo to.

Maung a Balita Biblia

¹⁴ Inkuanen Jesus ed samay kiew ya igos, Anggapo lan balut so mangay bungam! Nadngel ya na saray disipulo to.

Marcos 11:14 Iomraidhean Croise

Mateo 21:19

Akanengneng na kiew ya igos ed gilig na dalan, kanyan nila to. Balet anggapoy nalmo ton bunga, no ag ta kabolubolung. Inkuantod samay kiew, “Ag ka lan balut mambunga!” Tampol ya amagaan imay kiew.

Mateo 21:33

“Dengel kayo nid sakey ya alimbawa,” kuanen Jesus. “Walay sakey a toon nantanem na ubas. Inalar to tan nanggaway panagpespesay ubas. Amaalagey met na atagey a panagbantayan. Impaasikaso tod saray kasamak, insan linmad sananey a bansa.

Mateo 3:10

Akaparaan lay wasay a pamopod saray kiew ya anggad lamut. Amin a kiew ya ag mambungay maung so napopo tan napoolan.

Mateo 7:19

Say kiew ya ag mambungay maung, popoen tan poolan.

Marcos 11:13

Diad ag arawi anengneng toy mabolubolung a kiew ya igos. Inmasingger a mananap na bunga, balet kabolubolung lapud aliwa nin panagbungay igos.

Marcos 11:15

Kasabi rad Jerusalem linmoob si Jesus ed Timplo tan pinataynan to ray manlalako tan mansasaliw diman. Imbabalintuag to ray lamisaan da ray managsalat na kuarta tan saray yorungan da ray managlakoy malapati,

Juan 15:6

Say ag mansiansiad siak, nibantak ed paway tan namagaan a singa sanga. Natipon tan nibantak ed apoy ira yan klasiy sanga, pian napoolan ira.

2 Pedro 2:20

Saray totoon makapikabat ed Katawan tan Manangilaban tayon Jesu-Cristo et akapaliis la rad marotak a kagagawa diad mundo. Balet no ompawil ira lamet a naaripey kaogsan, lalon maoges so kipapasen da nen say gendat.

Puyan 22:11

Siopaman a maoges nepeg ya ituloy toy manggaway kaogsan, tan siopaman a marotak so panagbilay to, nepeg ya ituloy toy mambilay a marotak. Balet siopaman a maung nepeg ya ituloy toy manggaway kamaungan, tan siopaman a masanto nepeg ya ituloy toy kinasanto to.”