Marcos 10:51 - Maung A Balita Biblia

⁵¹ Tinepet nen Jesus ed sikato, “Antoy labay mon gawaen kon para sika?” Inmebat imay bulag, “Maistro, labay koy makanengneng.”

Maung a Balita Biblia

⁵¹ Tinepet nen Jesus ed sikato, Antoy labay mon gawaen kon para sika? Inmebat imay bulag, Maistro, labay koy makanengneng.

Marcos 10:51 Iomraidhean Croise

2 Saray Awaran 1:7

Diad saman a labi pinmayawar so Dios ed kinen Solomon tan tinepet to, “Antoy labay mon iter kod sika?”

Mateo 23:7

Labalabay day paigalang ed publiko tan patawag na ‘Maistro.’

Mateo 23:8

Sikayo, balet, ag kayo patatawag na ‘Maistro,’ ta saksakey so Maistro yo tan sanaagi kayon amin.

Mateo 6:8

Ag yo ra aaligen! Amta la na Ama yo iray nakakaukolan yo, kasakbayan yo ran kerewen.

Mateo 7:7

“Kerew kayo, et naitdan kayo. Mananap kayo, et makalmo kayo. Toktok kayo, et nalokasan a para sikayo so puirta.

Marcos 10:36

“Antoy labay yon gawaen ko para sikayo?” tinepet nen Jesus ed sikara.

Marcos 10:50

Inekal toy kolibemben to, biglan inmalagey, tan sinmingger ed kinen Jesus.

Juan 20:16

Inkuanen Jesus ed sikato, “Maria!” Inarap to tan kuantod salitay Hebreo, “Raboni!” (“Maistro” so labay ton ibaga ya.)

Saray Gawgawa 23:19

Binembenan na kapitan so lima to may balolaki, inyarawi to, tan tinepet to, “Anto tay labay mon ibagad siak a?”

FILIPOS 4:6

Ag yo pampapagaay antokaman a bengatla. Kerew yo ingen ed Dios iray amin a nakaukolan yo diad panamegley na pikakasin tinekepay pisasalamat.