Marcos 10:47 - Maung A Balita Biblia

⁴⁷ Nen nadngel ton si Jesus a taga Nazaret so onlalabas, tinmawag na maksil, “Jesus, Anak nen David! Kasian mo ak!”

Maung a Balita Biblia

⁴⁷ Nen nadngel ton si Jesus a taga Nazaret so onlalabas, tinmawag na maksil, Jesus, Anak nen David! Kasian mo ak!

Marcos 10:47 Iomraidhean Croise

Isaias 11:1

Saray manarin kabyangay boleg nen David et singa ra sakey a kiew ya abatang; balet onung a saray balon sanga et onsibual irad sengeg ya amatangan, ontan met a sakey a balon ari so onletaw ed saray kabyangay boleg nen David.

Mateo 1:1

Sikato yay listaan na saray lalaki nen Jesu-Cristo a kabyangay boleg nen David a kabyangay boleg nen Abraham.

Mateo 12:23

Mankelaw iray amin a totoo tan inkuanda, “Sikato la ya kasiy Anak nen David?”

Mateo 15:22

Linmad sikatoy sakey a biin taga Canaan a manaayam diman tan inkuanto, “Katawan, Anak nen David, kasian mo ak pa! Inaponay dimonyo so anak kon bii tan mapalaloy kakairapan to.”

Mateo 2:23

Diad baley na Nazaret so nanayaman to. Ginawa to ya pian nasumpal so inkuan na saray propita, “Sikatoy natawag a Nazareno.”

Mateo 20:30

Walay duaran lalakin bulag a manyodyorung ed gilig na dalan. Nen nadngel dan ondadalan si Jesus tinmawag iray maksil, “Anak nen David, kasian mo kami!”

Mateo 21:11

Inmebat iray totoo, “Sikato yay propitan manngaray Jesus a taga Nazaret na Galilea.”

Mateo 21:9

Ineeyag na saray totoon walad onaan tan saray walad onur nen Jesus, “Hosanna ed Anak nen David! Bindisionan komuy Dios so onla dia ed ngaray Katawan! Nagalang komuy Dios a Sankatageyan!”

Mateo 26:71

Insan linmad puirtay solar. Naimano met diman na sananey a biin katulong, tan kuantod saramay lalakin wadman, “Akilkila met yan too ed kinen Jesus a taga Nazaret.”

Mateo 9:27

Tinmaynan si Jesus ed saman a pasen tan tinombuk na duaran bulag a tinmatawag na maksil, “Anak nen David, kasian mo kami!”

Marcos 1:24

tan ineyaeyag to, “Antoy pibabalian mod sikami, Jesus a taga Nazaret? Linma ka dian maneral ed sikami? Kabat ko no siopa ka: sika so Masanto na Dios!”

Lucas 4:16

Sinmempet si Jesus ed Nazaret, say baley a binalegan to. Onung na kaogaliyan to, linmoob ed sinagoga nen Agew na Panagpainawa. Inmalagey a mambasay Masanton Sulat,

Juan 1:46

“Wala tay kamaungan a manlapud Nazaret?” tepet nen Nataniel. “Gala, ta nengneng mo,” ebat nen Felipe.

Juan 19:19

Insulat nen Pilato so onyan balikas: “Si Jesus a taga Nazaret, say Ari da ray Judio,” insan to impaipeket ed krus.

Juan 7:41

Saray arum balet kuanda, “Sikatoy Cristo!” Inkuan ni na saray pigara, “Manlapu inged Galilea so Cristo?

Juan 7:52

Inmebat ira, “Taga Galilea ka met sirin? Manaral ka pay Masanton Sulat, pian narumog mo ya anggapoy propitan manlapud Galilea.”

Saray Gawgawa 6:14

Ta nadngel min imbagbaga to a sayan Jesus a taga Nazaret et deralen to yan Timplo, tan salatan ton amin iray kaogaliyan ya impatawir nen Moises ed sikatayo.”

Puyan 22:16

“Siak, a si Jesus, so angibakiy anghil ko a mangibawag na sarayan bengatla ed saray iglisia. Siak so nanlapu ed boleg nen David. Siak so maliwliwawan bitewen ed kabwasan.”