Marcos 10:39 - Maung A Balita Biblia

³⁹ “Nayarian mi,” ebat da. Inkuanen Jesus ed sikara, “Nayarian yoy oninom ed kupan inoman ko tan mampabinyag ed pampabinyagan ko,

Maung a Balita Biblia

³⁹ Nayarian mi, ebat da. Inkuanen Jesus ed sikara, Nayarian yoy oninom ed kupan inoman ko tan mampabinyag ed pampabinyagan ko,

Marcos 10:39 Iomraidhean Croise

Mateo 10:25

Kanyan masarag lan magmaliw so babangatan a singa say bumabangat to, tan say aripen a singa say amo to. No Beelzebul so ipangaran dad panguloy pamilya; nagkalalon aliwliway ipangaran dad saray kabyangan na pamilya to!”

Mateo 3:6

Impapatwa ray kasalanan da, tan binibinyagan to rad Ilog na Jordan.

Marcos 14:31

Lalon makmakpel ya inmebat si Pedro, “Ag kon balut ibagan ag ta ka kabat, anggan kaiba ta kan pateyen da!” Onya met so imbaga na amin da ray arum a disipulo.

Marcos 14:36

Inkuanto, “Ama, O Ama! Nayarian mon gawaey amin a bengatla. Ipaliis mo pad siak yan kupay kairapan. Balet aliwan say linawak, no ag ingen say linawam, so nasumpal.”

Juan 13:37

“Katawan, akin et ag ta ka natombuk natan?” tinepet nen Pedro. “Sipaparaan ak ya ompatey makasengeg ed sika!”

Juan 15:20

Nunot yoy imbagak ed sikayo: ‘Anggapoy aripen a palabsanan toy katawan to.’ No pinairap da ak, pairapen da ki met. No inonur day salitak, onuren da met so salita yo.

Juan 17:14

Inter kod sikaray salitam, et binosul iray sankamundoan ta ag ira kayaryan na sankamundoan, a singa siak ya ag kayaryan na sankamundoan.

Saray Gawgawa 12:2

Impapatey to na ispada si Santiago ya agi nen Juan.

COLOSAS 1:24

Makaliliket ak natan ed paniirap ko para sikayo, tan nitutuloy koy kairapan a nepeg nin liknaen nen Cristo para laman to, salanti say iglisia.

Puyan 1:9

Siak si Juan, say agi yo tan kaiba yon maniirap, kaiba yod Panarian, tan kaiba yon mantetepel lapud pikakasakey ed kinen Jesus! Niakar ak ed isla na Patmos, lapud impangipupulong koy salitay Dios tan say katwaan a tinasian nen Jesus.