Marcos 10:38 - Maung A Balita Biblia

³⁸ Inkuanen Jesus ed sikara, “Ag yo amtay kekerewen yo. Nayarian yo kasiy oninom ed kupan nepeg kon inoman? Nayarian yo kasiy mampabinyag ed pampabinyagan ko?”

Maung a Balita Biblia

³⁸ Inkuanen Jesus ed sikara, Ag yo amtay kekerewen yo. Nayarian yo kasiy oninom ed kupan nepeg kon inoman? Nayarian yo kasiy mampabinyag ed pampabinyagan ko?

Marcos 10:38 Iomraidhean Croise

1 Saray Arari 2:22

“Akin et kekerewen yon iter kod sikatoy Abisag?” tepet na ari. “Kerew yo met ni laingen ya iter ko met ed sikatoy trono. Andi-bali ta sikatoy pangulowan ko, tan walad diking to si Abiatar a pari tan si Joab!”

Saray Salmo 75:8

Bembembenay Katawan so kupa, a napnoy mabayanin alak na pasnuk to. Ibabales to tan iinomen na amin a totoon maoges; ooputen da ya anggad kaonuran a terter.

Isaias 51:22

iyaagel kayo na Katawan a Dios yo tan kuanto, “Eekalen koy kupan inter kod sikayo lapud pasnuk ko. Ag yo la nepeg ya inomen so alak a makapadongilngil ed sikayo.

Jeremias 25:15

Say Katawan a Dios na Israel inkuantod siak, “Nia so kupa na alak a napnoy pasnuk ko. Alam ta ipainom mod saray bansan pangibakian kod sika.

Jeremias 45:5

Aanapen moy nidoman bengatlan para sikan dili? Ag mo la itutuloy, ta deralen koy amin a katoowan; anggaman ontan, nipaliis kad patey anggan iner so laen mo. Siak, say Katawan, so nansalita.”

Mateo 26:39

Kaarawi toy daiset, dinmakmomo a sinmabid dalin so lupa to tan nampikasi, “Amak, no nayari komun, ipaliis mo siak yan kupay kairapan! Balet aliwan say linawak, no ag ingen say linawam, so nasumpal.”

Mateo 3:6

Impapatwa ray kasalanan da, tan binibinyagan to rad Ilog na Jordan.

Marcos 14:36

Inkuanto, “Ama, O Ama! Nayarian mon gawaey amin a bengatla. Ipaliis mo pad siak yan kupay kairapan. Balet aliwan say linawak, no ag ingen say linawam, so nasumpal.”

Lucas 12:50

Wala niy binyag a nepeg kon awaten, et nagunigon ak a maung ya anggad pakaawat ko!

Lucas 22:42

“Ama,” inkuanto, “no labay mo, ipaliis mo ak pad sayan kupay kairapan. Anggaman ontan, aliwan say linawak, no ag ingen say linawam, so nasumpal.”

Juan 18:11

Inkuanen Jesus ed Pedro, “Ikaluban mo tay ispadam. Ag ko ta nepeg ya inomen so kupay kairapan ya inter na Ama ed siak?”

Saray Taga Roma 8:26

Ontan met, say Ispiritu so ontutulong ed kakapoyan tayo. Ta ag tayo amta no panoy nepeg tayon pampikasi, balet say Ispiritu lan dili so mangipikasid sikatayo ed Dios, diad ey-ey ya ag nayarin ibalikas.

Santiago 4:3

Tan no mikerew kayo bilang ag yo naawat, ta maoges iray getma yo; say bengatlan panliketan yon dili so kekerewen yo.