Marcos 10:24 - Maung A Balita Biblia

²⁴ Nikelawan iray disipulo ed sarayan balikas to. Inkuanen Jesus lamet, “Anak, talagan mairap so onloob ed Panariay Dios.

Maung a Balita Biblia

²⁴ Nikelawan iray disipulo ed sarayan balikas to. Inkuanen Jesus lamet, Anak, talagan mairap so onloob ed Panariay Dios.

Marcos 10:24 Iomraidhean Croise

Saray Salmo 17:14

iyagel mo ak pad saray totoon walad sikaray amin a labay da diad sayan bilay. Dusam pa ra diad panamegley na saray kairapan ya intaryam ed sikara; nawalaan komun na dakerakel a kairapan iray anak da, tan wala ni komuy nakeraan a para saray apo ra!

Saray Salmo 52:7

“Nengneng yoy toon ag impaiyagel ed Dios, no ag ingen nanmatalek ed baleg a kayamanan to, tan sinmaral ed kaogsan to.”

Saray Salmo 62:10

Ag yo panmamatalkay panagduksa; ag yo iilaloan a walay nagonggona yod panagtakew; anggan ondakel so kayamanan yo, ag yo panmamatalkan.

Probirbio 11:28

Saray totoon manmamatalek ed kayamanan da et nalemay ira a singa nalnes a tanaman, balet saray totoon matonung onaligwas ira a singa mabonabonan tanaman.

Probirbio 18:11

Abaloan na saray mayaman a say kayamanan da so mangyaagel ed sikara, a singa say atagey tan mabiskeg a padir ya akaliber ed siudad.

Probirbio 23:5

Nayarin naandi lay kuartam diad sakey labat a kakirem, a singa nampayak tan ontikyab ya agila.

Jeremias 9:23

Say Katawan kuanto, “Ag nepeg ya ipasirayew na saray makabat a totoo so kakabatan da, odino saray mabiskeg a totoo so biskeg da, odino saray mayaman a totoo so kayamanan da.

Habacuc 2:9

Pakaskasi kayo la! Pinapayaman yo ray pamilya yo lapud saray impansasamsam yod saray ag yo kayaryan, tan impagmaliw yon arawid sulit tan kaatapan iray kaabungan yo.

Sofonias 1:18

Diad agew a pangidapoy Katawan na pasnuk to, ag ira nilaban na anggan amin a pilak tan balituk da. Deralen na apoy na sanuk to so intiron mundo. Bigla ton panganggaen so balang sakey a manaayam ed tapew na dalin.

Mateo 19:25

Nen nadngel ya na saray disipulo, ontan lay pankelaw da kanyan tinepet da, “Siopay nayarin nilaban sirin?”

Marcos 1:27

Agaylay pankelaw dan amin, kanyan nantetepetan ira, “Anto ya kasi? Balo ya kasin bangat? Walay pakaoley to yan too a mangganggan ed saray maoges ya ispiritu, et oonuren da!”

Marcos 10:23

Ninengneng nen Jesus iray walad kaliber-liber to tan kuantod saray disipulo to, “Mairap a tuloy ya onloob ed Panariay Dios iray mamayaman!”

Lucas 16:14

Nadngelan na saray Pariseo ira yan amin, et nilemlemew day Jesus ta maagum irad kuarta.

Juan 13:33

Anak, maganggano lay piolup kod sikayo. Anapen yo ak naani, balet ibagak natan ed sikayo may imbagak lad saray Judio, ‘Ag kayo makaonla ed laen ko.’

Juan 21:5

Insan kuantod sikara, “Anak, walay nala yon sira?” Inmebat ira, “Anggapo.”

Juan 6:60

Nadngel ya na saray disipulo to tan dakel iray nankuan, “Mairap yan bangat! Siopa kasiy makatalus ed saya?”

TAGA GALACIA 4:19

Inararon anak, lapud sikayo, maniirap ak lamet a singa biin manaanak, anggad katibokel nen Cristo ed sikayo.

1 Timoteo 6:17

Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.

1 Juan 2:1

Anak ko, isulat ko ya pian ag kayo manggaway kasalanan. Balet no walay mankasalanan, walay matonung a Jesu-Cristo a mangipipikasid sikatayo ed Ama.

1 Juan 4:4

Anak, kayaryan kayoy Dios tan tinalo yo ray tila-tilan propita, ta say Ispiritu a walad sikayo et makapanyari nen say ispiritu a walad mundo.

1 Juan 5:21

Anak, manalwar kayon maung ed talintao da ray tila-tilan diriyos!

Puyan 3:17

Ikuanmo, ‘Mayaman ak, tan duga ak ed amin a nakaukolan ko!’ Balet ag mo amtan maniirap tan pakaskasi ka! Mairap-bilay ka, anggapoy kawes mo, tan bulag ka.