Marcos 10:21 - Maung A Balita Biblia

²¹ Maararon ninengneng nen Jesus, tan kuantod sikato, “Wala niy sakey a kakulangan mo. Laka, ta ilakom ya amin so kayaryan mo, insan mo iter ed saray mairap-bilay so panlakoan mo. Nawalaan kad satan na kayamanan ed tawen. Insan ka dia ompawil ya ontombuk ed siak.”

Maung a Balita Biblia

²¹ Maararon ninengneng nen Jesus, tan kuantod sikato, Wala niy sakey a kakulangan mo. Laka, ta ilakom ya amin so kayaryan mo, insan mo iter ed saray mairap-bilay so panlakoan mo. Nawalaan kad satan na kayamanan ed tawen. Insan ka dia ompawil ya ontombuk ed siak.

Marcos 10:21 Iomraidhean Croise

Genesis 34:19

Ag la nanabalay Sikem ya anumpal ed tongtongan da, ta inaro to may biin anak nen Jacob. Manona si Sikem ed amin da ray kabyangay pamilya to.

Probirbio 23:23

Say katwaan, say kakabatan, say bilin, tan say pakatalus et manepeg iran panggastosan; mabmabli ra kanyan ag mo ra ilalako.

Mateo 16:24

Inkuanen Jesus ed saray disipulo to, “Siopamay malabay ya ontombuk ed siak, nakaukolan a lingwanan toy sikaton dili, sakbaten toy krus to, insan ontombuk ed siak.

Mateo 19:21

Inkuanen Jesus ed sikato, “No talagan labay mon anggapoy kakulangan mo, ilakom ya amin so kayaryan mo, insan mo iter so panlakoan mo ed saray mairap-bilay. Nawalaan kad satan na kayamanan ed tawen. Insan ka dia ompawil ya ontombuk ed siak.”

Marcos 10:22

Nen nadngel na samay laki yan balikas nen Jesus, abaliw so lupa to tan tinmaynan a maermen lapud agaylay inkayaman to.

Marcos 8:34

Pinaasingger natan nen Jesus iray totoo tan saray disipulo to. Inkuanto, “Siopamay malabay ya ontombuk ed siak, nakaukolan a lingwanan toy sikaton dili, sakbaten toy krus to, insan ontombuk ed siak.

Lucas 10:42

Saksakey so talagan nakaukolan! Pinili nen Maria so lalon maung a gawaen, tan ag ya naekal ed sikato.”

Lucas 12:33

Ilako yo ray kayaryan yo, tan mangiter kayod saray mairap-bilay na nanlakoan yo. Manggawa kayo ray pitakan ag ondaan, tan mantipon kayo na kayamanan yo ed tawen yo, ta ag nabawasan diman, ag natakew, tan ag naderal na bokbok.

Lucas 16:9

Intuloy nen Jesus so pansasalita to, “Kanyan kuankod sikayo ya ikana yod pikakaaro so kayamanan na sayan mundo, ta pian anggan naoput la yan kayamanan et maliket kayon naawat ed anggan ya ayaman.

Lucas 18:22

Kadngel nen Jesus ed saya inkuanto, “Wala niy sakey a kakulangan mo. Ilakom ya amin so kayaryan mo, insan mo iter ed saray mairap-bilay so panlakoan mo. Nawalaan kad satan na kayamanan ed tawen. Insan ka dia ompawil ya ontombuk ed siak.”

Lucas 19:41

Asingsingger lay Jesus ed siudad na Jerusalem. Kanengneng tod siudad inakisan to

Lucas 9:23

Insan inkuantod sikaran amin, “Siopamay malabay ya ontombuk ed siak, nakaukolan a lingwanan toy sikaton dili, sakbaten ton inagew-agew so krus to, insan ontombuk ed siak.

Juan 12:26

Siopamay manlingkur ed siak, nepeg to ak a tombuken, ta no iner so kawalaan ko diman met so kawalaan na aripen ko. Pagalangan na Amak so siopaman a manlingkur ed siak.”

Juan 16:33

Imbagak yad sikayo, pian nawalaan kayoy kareenan diad pikasakey yod siak. Manirap kayo diad mundo, balet pabiskeg yoy linawa yo! Tinalok lay sankamundoan!”

Saray Gawgawa 2:45

Inlalako da ray kayaryan da tan imbubunog da, onung ed pankaukolan na balang sakey ed sikara.

2 CORINTO 12:15

Maliket ak a mangiter na amin a kayaryan ko, anggan say bilay ko, no onkanad pankaabigan yo. Melag labat so pangaro yod siak, anta inararo ta kayo?

2 Timoteo 3:12

Napairap ya amin iray malabay a mambilay a masanto diad itombuk dad Cristo Jesus.

Saray Hebreo 10:34

Kinakasian yo ray apriso, tan inako yon sililiket so impangaala da ray kagawaan yo, ta amta yon magmaung ni tan mansiansian anggad angga so kayamanan ya atilak ed sikayo.

Santiago 2:10

Ta siopamay mangonur ed amin a ganggan balet et sumlangen toy sakey, sinumlang to lan amin.

Puyan 2:14

Balet wala ray pigaran bengatla ya ag ko labay ed sika: wala ray pigarad sikayon ontotombuk ed bangat nen Balaam ya angibangat ed kinen Balak na pankasalananan na saray Israelita. Lapud saya angan iray kakanen ya imbagat ed saray talintaoy diriyos, tan nankasalanan iray inmoralidad.

Puyan 2:20

Balet niay ag ko labay ed sika: papaolyan moy Jezebel, say biin ibabaga ton sikatoy sakey a propita. Ibabalang to ray aripen ko, ibabangat to ran mankasalanan na inmoralidad tan mangay kakanen a nibagat ed saray talintaoy diriyos.

Puyan 2:4

Balet say ag ko labay ed sika et saya: aliwa lan singa samay impangarom nen inmona so pangaarom ed siak natan.