Marcos 10:2 - Maung A Balita Biblia

² Wala ray Pariseon sinmingger met ed kinen Jesus, ta labay da ya erelen ed salita to. “Ibagam ed sikami,” tinepet da, “iyabuloy kasi na Ganggan ya isian na sakey a laki so asawa to?”

Maung a Balita Biblia

² Wala ray Pariseon sinmingger met ed kinen Jesus, ta labay da ya erelen ed salita to. Ibagam ed sikami, tinepet da, iyabuloy kasi na Ganggan ya isian na sakey a laki so asawa to?

Marcos 10:2 Iomraidhean Croise

Malakias 2:16

“Kabosul koy pansiyan na sanasawa,” kuay Katawan a Dios na Israel. “Ag ko labay a balut a sakey ed sikayo et gawaen tod asawa to itan a maruksan bengatla. Alwaran yo sirin ya ag yo dederalen so sipan yon matoor kayod asawa yo.”

Mateo 15:12

Linma ray disipulo ed sikato tan kuanda, “Amtam ya apasakitan mo ray Pariseo lapud samay imbagam?”

Mateo 16:1

Wala ray Pariseo tan Saduseo a sinmingger ed kinen Jesus. Labay dan suboken kanyan kinerew dan manggaway sakey a milagron manlapud tawen.

Mateo 19:3

Wala ray Pariseon sinmingger ed sikato, ta labay dan erelen ed salita to. Tinepet da, “Iyaabuloy kasi na Ganggan ya isian na sakey a laki so asawa to ya anggan antoy makasengeg?”

Mateo 22:35

Walay sakey ed sikaran makabat ed Ganggan a sinali ton ereley Jesus diad panamegley na sakey a tepet.

Mateo 23:13

“Pakaskasi ki la, sikayon iskriba tan sikayon Pariseo! Mansimpisimpitan a totoo! Ikakaput yoy puirtay Panarian na tawen pian ag makaloob iray totoo. Anta ag yo la labay so onloob ed Panariay tawen, pibabali yo nin sesebelan iray totoon malabay!

Mateo 9:34

Balet inkuanda ray Pariseo, “Say pangulo da ray dimonyo so mangiiter ed sikato na pakayarin mamaekal ed saray dimonyo.”

Marcos 10:1

Inmalis si Jesus nanlapud saman a pasen. Linmad lugar na Judea tan binmaliw ed Ilog na Jordan. Dinago lamet na dakerakel a totoo, tan binangatan to ra a singa gagawaen ton gendat.

Marcos 10:3

“Antoy ingganggan nen Moises ed sikayo?” tinepet nen Jesus ed sikara.

Marcos 8:11

Wala ray Pariseo a sinmingger ed kinen Jesus tan akisangsangan irad sikato. Labay dan suboken, kanyan kinerew dan manggaway sakey a milagron manlapud tawen.

Marcos 8:15

Binilin nen Jesus iray disipulo to, “Manasikaso kayo! Alwaran yoy libadura na saray Pariseo tan say libadura nen Herodes.”

Lucas 11:39

Kanyan inkuanen Jesus ed sikato, “Sikayon Pariseo, lilinisan yoy paway na tasa tan plato, balet diad puso yo napno kayoy inkaagum tan inkasiblet.

Lucas 16:14

Nadngelan na saray Pariseo ira yan amin, et nilemlemew day Jesus ta maagum irad kuarta.

Lucas 5:30

Ngoro-ngoro ray Pariseo tan saray iskriban kabyangan da. Tinepet dad saray disipulo nen Jesus, “Akin et mangakan tan oniinom kayo a kaiba yo ray sumisingil na buis tan saray makasalanan?”

Lucas 6:7

Wala rad may iskriba tan Pariseo a manaanap na ipakasalanan dad kinen Jesus, kanyan siniim da no manambal kasi no Agew na Panagpainawa.

Lucas 7:30

Balet ag sinumpal na saray Pariseo tan saray iskriba so linaway Dios para sikara, ta ag ira nampabinyag ed kinen Juan.

Juan 11:47

Kanyan akitongtongan na saray manonan papari tan saray Pariseo ray kabyangay Sanidrin. “Antoy gawaen tayo?” kuanda. “Dakel so milagron gagawaen to man a too.

Juan 11:57

Ingganggan na saray manonan papari tan saray Pariseo a no walay makapikabat no iner so kawalaan nen Jesus, ibaga tod sikara pian naerel da.

Juan 7:32

Nadngel na saray Pariseo iray karaklan a mantotongtong na saray bengatlan nipaakar ed kinen Jesus, kanyan angibaki ra tan saray manonan papari na saray guardian mangerel ed sikato.

Juan 7:48

“Wala tay amta yon anggan sakey a manoley odino sakey a Pariseo a manisiad sikato?

Juan 8:6

Tinepet da yan panubok ed sikato, pian walay nidalem dan sumlang ed sikato. Balet tinmuek si Jesus tan impansulat toy tamoro tod dalin.

1 CORINTO 10:9

Ag tayo nepeg a subokey Katawan, a singa ginagaway arum ed sikara, kanyan pinapatey ira na saray oleg.