Marcos 10:17 - Maung A Balita Biblia

¹⁷ Nen onaalis lay Jesus, walay sakey a lakin mambabtik a linmad sikato. Tinmalimukor ed arap nen Jesus, insan tinepet to, “Maung a Maistro, antoy nepeg kon gawaen pian nagamuran koy bilay ya andi-anggaan?”

Maung a Balita Biblia

¹⁷ Nen onaalis lay Jesus, walay sakey a lakin mambabtik a linmad sikato. Tinmalimukor ed arap nen Jesus, insan tinepet to, Maung a Maistro, antoy nepeg kon gawaen pian nagamuran koy bilay ya andi-anggaan?

Marcos 10:17 Iomraidhean Croise

Daniel 6:10

Nen naamtaan nen Daniel ya apirmaan la may ganggan, sinmempet lad abung. Diad sakey a kuartod tagey na abung to, wala ray bintana ya akaarap ed Jerusalem. Onung na gagawaen to lawas, mamitlod sanagew a tinmalimukor a nampikasi tan akisalamat ed Dios to.

Mateo 17:14

Nen pinmawil ira asabian day amayamay a totoo. Sinmingger so sakey a too, nantalimukor ed arap nen Jesus

Mateo 25:34

Insan ikuay Ari ed saramay walad nikawanan, ‘Gali dia, sikayo ran binindisionay Amak! Tawir yoy panarian a niparaan a para sikayo, nanlapu lad inkiletneg na mundo.

Mateo 28:8

Maganat ira sirin a linma la tan batik iran mangibagad saray disipulo to. Makaliliket ira, balet nantaruk na takot so liket da.

Marcos 1:40

Walay sakey a lakin akating a linmad kinen Jesus, tinmalimukor ed arap to tan akikasi. Inkuanto, “No labay mo, nayarian mo ak a paabigen.”

Marcos 10:18

Inmebat si Jesus ed sikato, “Akin et tatawagen mo ak na maung? Anggapoy arum a maung no ag say Dios labat.

Marcos 12:14

Inmasingger irad kinen Jesus tan kuanda, “Maistro, kabat min tua ya amin so ibabagam. Aliwa kan manangibiig, ta nampaparay pangipapasen mod amin a totoo. Ibabangat mo ray totoo no antoy linawa na Dios nipaakar ed sikara. Ibagam pad sikami, sumpad Ganggan kasi so pambayar na buis ed Impirador na Roma? Mambayar kamiy buis odino andi?”

Marcos 9:25

Nen anengneng nen Jesus a pinasia lay totoon ondarago, ingganggan tod ispiritun maoges, “Ispiritun managpaemel, iganggan kod sikan ekal kad satay ogaw, tan ag ka lan balut ompapawil ed sikato!”

Lucas 10:25

Walay sakey a makabat ed Ganggan ya inmalagey ta labay ton suboken si Jesus. “Maistro,” tepet to, “antoy nepeg a gawaen ko pian nagamuran koy bilay ya andi-anggaan?”

Juan 3:2

Aminsan a labi, linmad kinen Jesus. “Rabi,” kuanto, “amta mi a sakey kan bumabangat ya imbaki na Dios. Ta anggapoy toon makagawa ed saray gagawaen mo, likud no walad sikatoy Dios.”

Juan 5:39

Aaralen yoy Masanton Sulat lapud ipapasen yon sikatoy pakalmoan yoy bilay ya andi-anggaan. Sikato so mantatasi ed siak.

Juan 6:40

Ta saya so linawa na Amak: amin a makanengneng tan manisiad Anak, nawalaan na bilay ya andi-anggaan. Paolien ko rad bilay ya amin diad kaonuran ya agew.”

Saray Gawgawa 16:30

Impaway to ra tan tinepet to, “Antoy nepeg kon gawaen, pian nilaban ak?”

Saray Gawgawa 2:37

Nen nadngel ya na saray totoo, agunigon ira, tan tinepet dad kinen Pedro tan saray arum ya apostol, “Agagi, antoy nepeg min gawaen?”

Saray Gawgawa 20:32

“Natan, ipia ta kayod panangasikasoy Dios tan diad salita ton mamapaneknek na baleg a panangaro to. Napabiskeg to kayo tan naitdan to kayoy amin a bindision ya igagana tod saray totoon pinasanto to.

Saray Gawgawa 9:6

Alagey ka tan loob kad siudad, ta diman nibagay nepeg mon gawaen.”

Saray Taga Roma 2:7

Saray ag ontondan manggaway kamaungan, mananap na galang, dayew, tan ag ipatey, naitdan iray bilay ya andi-anggaan.

Saray Taga Roma 6:23

Ta patey so upa na kasalanan, balet bilay ya andi-anggaan so rigaloy Dios diad panamegley na pikakasakey ed Cristo Jesus a Katawan tayo.

TAGA-EFESO 1:18

Ipipikasik a naliwawaan komuy kanunotan yo pian naamtaan yo no antoy ilalon impanawagan tod sikayo, no panoy kayaman na makapakelaw iran bindision ya insipan ton ipatawir ed saray totoo to,

Tito 3:7

Natan lapud baleg a panangaro to, apatonung itayo tan natawir tayoy andi-anggaan a bilay ya iilaloan tayo.

Saray Hebreo 1:14

Siopa sirin iray anghil? Ispiritu ran amin a manlilingkur ed Dios, tan imbaki to ran ontulong ed saray mangawat na kilalaban.

1 Pedro 1:4

tan say panawir tayoy bindision ya ag naderal, ag naboluk, o onkupas. Akaparaan yan bindision ed sikayo dimad tawen.

1 Juan 2:25

Tan say insipan nen Cristo ya iter ed sikayo et say bilay ya andi-anggaan.