Marcos 1:35 - Maung A Balita Biblia

³⁵ Diad ontombuk ya agew, ambilonget ni nen binmangon si Jesus. Linmad sakey a mareen a pasen tan nampikasid man.

Maung a Balita Biblia

³⁵ Diad ontombuk ya agew, ambilonget ni nen binmangon si Jesus. Linmad sakey a mareen a pasen tan nampikasid man.

Marcos 1:35 Iomraidhean Croise

Saray Salmo 109:4

Susumpaen da ak, anggaman ya aaroen ko ra, tan impikasik ira.

Saray Salmo 5:3

dedengelen moy bosis ko no kabwasan; mikakasi ak ed sika no ompapaway lay agew, tan mantatalaran ak ed ebat mo.

Mateo 14:13

Kadngel nen Jesus ed sayan balita, linmogan ed sakey a baloto, tan linman nambukbukor ed sakey a pasen a mareen. Balet nen nadngelan na totoo, tinaynan da ray balbaley da tan nanakar iran tinmombuk ed kinen Jesus.

Mateo 14:23

Nen apasiput to la ray totoo, linmad nipokdul a pasen tan nampikasi. Nen asabiy labi, bukbukor nen Jesus diman.

Marcos 1:36

Balet inanap nen Simon tan saray kakaiba to si Jesus.

Lucas 5:16

Balet si Jesus naynay ya onlad nisolinek iran pasen a mampikasi.

Lucas 6:12

Diad saman a panaon, linmay Jesus ed nipalandey a pasen tan sanlabin nampikasid man ed Dios.

Juan 4:34

Inkuanen Jesus ed sikara, “Say kanen ko say pangonur koy linawa na angibakid siak tan say panumpal koy kimey a pagagawa tod siak.

Juan 6:15

Lapud alikas nen Jesus a ngalngali ran pasooten ya alaen tan gawaen dan ari, linmimut lamet tan linman nambukbukor ed nipalandey a pasen.

TAGA-EFESO 6:18

Gawa yo ra yan amin diad panamegley na pikakasi tan mikerew kayoy tulong na Dios. Mampikasi kayo lawas diad panangiwanwan na Ispiritu. Kanyan mamparaan kayo lawas tan ag ki ontotonda; ituloy yon ipikasi ray amin a totooy Dios.

FILIPOS 2:5

Nepeg yon aligey ogali nen Cristo Jesus:

Saray Hebreo 5:7

Nen mambibilay ed tapew na dalin si Jesus, inakis tan ineyag toy impankerew tan impampikasi tod Dios a makapangilaban ed sikato ed patey. Lapud nagnap a mapaabeba, dinengel na Dios.