Marcos 1:27 - Maung A Balita Biblia

²⁷ Agaylay pankelaw dan amin, kanyan nantetepetan ira, “Anto ya kasi? Balo ya kasin bangat? Walay pakaoley to yan too a mangganggan ed saray maoges ya ispiritu, et oonuren da!”

Maung a Balita Biblia

²⁷ Agaylay pankelaw dan amin, kanyan nantetepetan ira, Anto ya kasi? Balo ya kasin bangat? Walay pakaoley to yan too a mangganggan ed saray maoges ya ispiritu, et oonuren da!

Marcos 1:27 Iomraidhean Croise

Mateo 15:31

Mankelaw iray totoo nen naimatunan dan mansasalita la ra may emel, inmaabig la ra may lopuy, manaakar la ra may piley, tan makakanengneng la ra may bulag. Inggalang da so Dios na Israel.

Mateo 8:9

Ta sakey ak met a walad silong na pakaoley na arum a totoo, tan wala met iray sondalo ed silong na pakaoley ko. Kanyan no kuankod sakey, ‘Laka!’ onla; no kuankod sananey, ‘Gala!’ ondago. No iganggan kod aripen ko, ‘Gawam ya!’ gawaen to.”

Mateo 9:33

Kapangekal nen Jesus ed dimonyo, ginapoan to may laki so nansalita. Mankelaw iran amin. Inkuanda, “Ag kami ni akanengneng na onya lan pakayari ed Israel!”

Marcos 1:26

Samay maoges ya ispiritu pinatayegteg ton maung imay laki, inmingal na maksil, insan inmekal ed sikato.

Marcos 1:28

Maples a kinmayat diad amin a pasen na Galilea so balitan nipaakar ed kinen Jesus.

Marcos 10:24

Nikelawan iray disipulo ed sarayan balikas to. Inkuanen Jesus lamet, “Anak, talagan mairap so onloob ed Panariay Dios.

Marcos 10:32

Mamapaarap la ra natan ed Jerusalem tan walad onaay Jesus. Mankelaw iray disipulo tan natatakot iray arum a totoon manontombuk. Binukoran lamet nen Jesus ira may labinduan disipulo, insan to tinongtong iray nagawad sikato.

Marcos 16:5

Nen linmoob irad pantion, nikelawan ira nen anengneng day sakey a balolakin akaampoti a manyodyorung ed nikawanan.

Marcos 16:6

Inkuanto, “Ag kayo mankelaw. Aanapen yoy Jesus a taga Nazaret a nipasak ed krus, anto? Andi dia, ta inmoli lad bilay. Nengneng yoy angiparokulan dad sikato.

Marcos 7:37

Ontan lay pankelaw da ray akadngel ed sayan balita tan inkuanda, “Agaylay abig na amin a gagawaen to! Iitdan toy pakadngel iray telek, tan pakasalita iray emel!”

Lucas 4:36

Mankelaw ira ya amin tan nantetepetan ira, “Anto ra ya kasin salita? Walay pakaoley tan pakayari to yan too a mangganggan ed saray maoges ya ispiritu, et oonuren da!”

Lucas 9:1

Tinawag nen Jesus iray labinduan disipulo tan initdan to ray pakayari tan pakaoley a mamaekal ed saray dimonyo tan mamaabig ed saray sakisakit.

Saray Gawgawa 17:19

Kanyan inala ray Pablo, insan da inyakar ed Areopago, tan inkuanda, “Labay min amtaen no anto tay balon bangat ya ibabawag mo.