Malakias 4:1 - Maung A Balita Biblia

¹ Say Katawan kuanto, “Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.

Maung a Balita Biblia

¹ Say Katawan kuanto, Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.

Malakias 4:1 Iomraidhean Croise

Say Libro nen Job 18:16

Amagaan iray lamut to tan nalnes iray sanga to.

Saray Salmo 119:119

Singa dotak so pangipapasen mod saray totoon maoges, kanyan inarok iray bilin mo.

Saray Salmo 37:9

Nakayaryan na saray manmamatalek ed Katawan so dalin balet napagit iray totoon maoges.

Exodo 15:7

Diad talonggaring na katageyan mo tataloen mo ray kalaban mo; ondadalang so pasnuk mo tan popoolan mo ran singa dayami.

Isaias 40:24

Singa ra malangwer a tanaman; katubo-tubo ra tan kakkapanlamut da. No say Katawan et paragemen to, namagaan ira tan nitikyab iran singa dayami.

Isaias 41:2

“Siopay angyakar na mananalod bakal a taga bokig tan panataloen to ya anggad iner so laen to? Siopay mangiiter ed sikatoy pananalo ed saray arari tan saray bansa? Wawasiwasen to ra na ispada to, et nikayat iran singa dabuk. Bubuyaken ira na saray pana to, et magmaliw iran singa osang ya itiktikyab na dagem.

Isaias 47:14

“Aliling da naaniy dayami, et poolan iran paandipaten na apoy! Ag da anggan nilaban so sikaran dili— ag da natepelan so petang na dalang; aliwan makapinawa yan apoy a pandangdangan da.

Isaias 5:24

Kanyan natan, no panon a napoolan so dayami tan amagan dika, ontan met a naboluk iray lamut yo tan namagaan iray rosas yo, insan ira itikyab na dagem, lapud impolisay yoy imbangat ed sikatayo na Katawan a Makapanyarin-amin a masanton Dios na Israel.

Isaias 9:18

Say kaogsan na saray totoo et ondadalang a singa apoy a manemek na abeba ran kiew tan saray masabit a dika. Ondadalang a singa pool ed takel a mangipapaatagey na makapal ya asewek.

Isaias 9:19

Lapud pasnuk na Katawan a Makapanyarin-amin, say pananusa to et ondadalang a singa pool ed intiron dalin tan papateyen to ray totoo, tan balang sakey iyaagel toy sikaton dili.

Ezekiel 20:38

Ekalen kod sikayo ray mananumpa tan makasalanan. Ekalen ko rad saray dalin a panaayaman da natan, balet ag ko ra abuloyan ya ompawil ed dalin na Israel. Naamtaan yod satan a siak so Katawan.”

Ezekiel 21:32

Naderal kayo ed apoy. Onterter ed dilim a bansa so dalam, tan anggapo lan balut so makanunot ed sika.’” Say Katawan so nansalita.

Ezekiel 24:11

Natan igaton yod ngalab so anggapoy kargan kaldiron gansa tan paolyan yon ombalbalanga. Diad satan nalinisan lamet imay kaldiro onung ed ganggan no napagpag la ray lati to lapud petang,

Ezekiel 34:17

“Natan sirin, karnirok ira, siak a Katawan a Dios ibabagak ed sikayo a sintinsiaan koy balang sakey ed sikayo tan ibiig koy maung ed makapoy, saray karniro ed saray kanding.

Ezekiel 7:10

Onsasabi lay agew na kaderal yo. Ondarakel so panagduksa. Mapalalo lay panagpaatagey da ray totoo.

Joel 2:1

Paknul yoy trumpita; paknul yod Sion a masanton palandey na Dios so pamasakbay. Giwgiw kayo, sikayon totood Juda! Magano lan onsabiy agew na Katawan.

Joel 2:31

Ombilonget so agew, tan ombalangan singa dala so bulan kasakbayan ya onsabi so baleg tan makapataktakot ya agew na Katawan.

Amos 2:9

“Balet, totook, sikayo so makasengeg no akin et sigput kon dineral iray Amorreo, totoon singa kiew a sidro so kabaleg da tan singa kiew a robli so kabiskeg da.

Obadias 1:18

Saray totoon kabyangay boleg nen Jacob tan Jose et magmaliw iran singa apoy; deralen da ray totoon kabyangay boleg nen Esau a singa pamool na apoy ed dayami. Anggapoy makaliktar a kabyangay boleg nen Esau. Siak, say Katawan, so nansalita.

Nahum 1:10

Napoolan kayo a singa kapoolan na saray alokut-lokut a sabitan tan amagaan a dayami!

Sofonias 1:14

Asingger lan onsabi so baleg ya agew na Katawan—magano la tan masigsiglat ya onsasabi! Makapasinagem itan ya agew, ta anggan saray sankasebegan a sondalo et onakis ira na ampaipait!

Sofonias 1:18

Diad agew a pangidapoy Katawan na pasnuk to, ag ira nilaban na anggan amin a pilak tan balituk da. Deralen na apoy na sanuk to so intiron mundo. Bigla ton panganggaen so balang sakey a manaayam ed tapew na dalin.

Zacarias 14:1

Asingger lan onsabi so agew a panintinsia na Katawan. Nasamsaman ed satan so Jerusalem tan naapag a sankanengneng yo iray asamsam.

Malakias 3:15

Onung na nanenengneng tayo, saray mapaatagey a totoo so maliket. Ag labat onaaligwas iray totoon maoges, no ag ingen panusubok dad anos na Dios iray maoges a gagawaen da tan napapaliisan da.’”

Malakias 3:18

Maminsan ni nanengneng na saray totook so pandomaan na nagawad saray matonung tan saray maoges a totoo, say pandomaan na pansumpalan da ray totoon manlilingkur ed siak tan diad saray ag manlilingkur ed siak.”

Malakias 3:2

Balet siopay makapangitepel na agew na isabi to? Siopay nabilay no sikatoy ompanengneng? Sikatoy singa mabayanin sabon, singa apoy a manlinis ed mital.

Malakias 3:3

Sikatoy onsabi a manintinsia a singa toon mamasileng tan malinis ed pilak. No panoy pamapasileng na platiro ed pilak tan balituk, ontan met so panlilinis na Katawan ed saray papari, pian mangyakar irad Katawan na manepeg iran bagat.

Malakias 4:5

“Balet kasakbayan na isabi na baleg tan makapataktakot ya agew na Katawan, ibakik ed sikayo si propita Elias.

Mateo 3:12

Sankabembenan toy bigaon pantaep to na trigo. Tiponen toy ilik ed kamalir to, balet poolan toy taep ed apoy ya ag balut naerep.”

Lucas 19:43

Ta onsabid sika ray agew a liktuben da ka ray kalaban mo tan saraan da ka, pian ag ka makapaway.

Lucas 21:20

“No nanengneng yon aliber na sondalo so Jerusalem, amta yo lan asingger lay kaderal to.

Lucas 6:23

Manggayaga kayo tan lukso kayod liket no nagawa ya, ta balbaleg so tumang yod tawen. Onya met so ginagawa na saray lalaki ra ed saray propita.

2 TESALONICA 1:8

Onsabin kaibay manliub ya apoy tan dusaen to ray ag makapikabat ed Dios tan saray ag ontoluk ed Maung a Balitan nipaakar ed Katawan tayon Jesus.

2 Pedro 3:7

Diad panamegley met na salita na Dios nanaasikaso so tawen tan dalin, pian naderal ira na apoy no onsabiy agew a nasintinsiaan tan nadusa ray maoges a totoo.