Malakias 3:7 - Maung A Balita Biblia

⁷ Singa saray lalaki yo nen saman, impolisay yo ray ganggan ko tan ag yo ra inonur. Pawil kayod siak, et ompawil ak ed sikayo. Balet tetepeten yo, ‘Antoy gawaen mi, pian makapawil kamid sika?’

Maung a Balita Biblia

⁷ Singa saray lalaki yo nen saman, impolisay yo ray ganggan ko tan ag yo ra inonur. Pawil kayod siak, et ompawil ak ed sikayo. Balet tetepeten yo, Antoy gawaen mi, pian makapawil kamid sika?

Malakias 3:7 Iomraidhean Croise

Nehemias 9:26

“Balet kinalaban ka na saray totoom tan ag da ka inonur; binenegan day Ganggan mo. Pinapatey da ray propitan mamapasakbay ed sikara, saray propitan mangibabagad sikaran ompawil irad sika. Pinapabaingan da kan amimpigapiga na saray totoom,

Isaias 65:2

Sipaparaan ak lawas a mangawat ed saray totook ya anawet so olo ra tan itutuloy day manggaway makapoy tan mangonur ed dilin labay da.

Jeremias 16:11

Insan mo ibagad sikara a say Katawan inkuanto, ‘Saray lalaki yo inkaindan da ak tan nanlingkur tan angigalang irad arum a diriyos. Inkaindan da ak tan ag da inonur iray bangat ko.

Jeremias 16:12

Balet mapalalo nin maoges so ginawa yo nen saray lalaki yo. Amin yo et anawet so puso yo tan maoges kayo, tan ag kayo ontoluk ed siak.

Jeremias 3:22

Pawil kayo, amin yon angikaindan ed Katawan; paabigen to kayo, tan pagmaliwen to kayon matoor. Ikuanyo, “On, onsisingger kamid Katawan, ta sikatoy Katawan a Dios mi.

Jeremias 7:25

Manlapud samay agew ya impaway ed Egipto na saray lalaki yo ya anggad natan, intutuloy koy angibakid sikayo na saray aripen kon propita.

Jeremias 7:26

Balet ag kayo dinmengel odino angimano. Ingen, nagmaliw kayon lalon anawet so puso tan lalon mananumpa nen saray lalaki yo.

Ezekiel 2:3

“Sika a toon ompatey, ibaki ta ka ed saray totood Israel. Linmaban irad siak tan sinumpa ra ak tan itutuloy day onlaban ed siak, a singa ginawa na saray lalaki ra.

Ezekiel 20:13

Balet anggan diman ed kalawakan sinumlang da ak. Sinumlang da ray bilin ko tan impolisay da ray ganggan a mangiter na bilay ed saray mangonur. Sigput ya ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.

Ezekiel 20:21

“Balet sinumlang ak met na saman a kailalakan. Sinumpa da ray bilin ko tan ag da inonur iray ganggan ko a mangiter na bilay ed saray mangonur. Ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.

Ezekiel 20:28

Inyakar ko rad dalin ya insipan kon iter ed sikara. Nen anengneng da ray atagey a pokdul tan saray masalumpapak a kiew, nambabagatan da ran amin. Impanpasnuk da ak diad panamegley na saray bagat a pinopoolan da tan diad saray alak ya inyaakar dan bagat.

Ezekiel 20:8

Balet sinumlang da ak tan ag da labay so ondengel. Ag da imbantak iray makapaingungot a talintao ra odino impolisay iray diriyos na Egipto. Akaparaan ak lad saman a mangidapod sikara na sulit na pasnuk ko dimad Egipto.

Oseas 14:1

Sikayo ran totood Israel, pawil kayo la ed Katawan a Dios yo. Imparokul tan impelag kayo na kasalanan yo.

Zacarias 1:3

balet natan kuankod sikayo, ‘Pawil kayod siak, et ompawil ak ed sikayo.

Malakias 1:6

Say Katawan a Makapanyarin-amin kuantod saray papari, “Say anak papagalangan toy ama to, tan say aripen papagalangan toy amo to. Siak so ama yo—akin et ag yo ak pagalangan? Siak so amo yo, akin et ag yo ak itday galang? Babalawen yo ak balet tetepeten yo, ‘Panoy pamabalaw mid sika?’

Malakias 3:13

“Anagasang iray sinasalita yo a nipaakar ed siak,” kuay Katawan. “Balet tetepeten yo, ‘Antoy imbaga mi nipaakar ed sika?’

Mateo 23:27

“Pakaskasi ki la, sikayon iskriba tan sikayon Pariseo! Mansimpisimpitan a totoo! Singa kayo saray pantion a pinintaay ampoti; marakerakep a tuad paway, balet diad dalem napno ray pokepokel na inaatey tan amin a karotakan.

Lucas 15:16

Labay to komun a tempeyey eras to na anggan say kupag a kakaney baboy, balet anggapoy mangiter ed sikato.

Saray Taga Roma 10:21

Balet nipaakar ed Israel, inkuanto, “Sanagew ya inyonat ko ray limak diad pantawag kod saray totoon ag mangoonur tan onsusumlang ed siak.”

Saray Taga Roma 10:3

Lapud ag da amta so panamaandi na Dios ed kasalanay too, sineetan day angiletneg na dili ran polaing, tan ag ira tinmoluk ed panamaandi na Dios ed kasalanay too.

Saray Taga Roma 7:9

Nen saman nambilay ak ya ag nasasakopay ganggan; balet nen akabatan koy ganggan, abilay so kasalanan

Deuteronomio 31:20

Iyakar ko rad saman a mayaman tan mataban dalin onung na insipan kod saray lalaki ra. Nawalaan irad man na amin a labay dan kanen; mainawa tan maliket so pambilay dad man. Balet onasingger irad arum a diriyos tan mangigalang irad sikara. Ipolisay da ak tan deralen day impisipanan kod sikara,

Santiago 4:8

Singger kid Dios, et onsingger ed sikayo. Orasan yoy lima yo, sikayon makasalanan! Linisan yoy puso yo, sikayon mansimpisimpitan!