Malakias 3:5 - Maung A Balita Biblia

⁵ Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Maung a Balita Biblia

⁵ Say Katawan a Makapanyarin-amin kuanto, Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkailiamin da ray mangigagalang ed siak.

Malakias 3:5 Iomraidhean Croise

Genesis 20:11

Inmebat si Abraham, “Abaloan kon anggapo diay ontatakot ed Dios, kanyan apagaan ak ta ompan pateyen da ak pian naala ray asawak.

Genesis 42:18

Diad kumatlon agew, inkuanen Jose ed sikara, “Sakey ak a toon walay takot tod Dios, kanyan ag ta kayo papatey no gawaen yoy ibagak.

Nehemias 5:15

Makapabelat ed saray totoo iray amin a gobirnador ya akaonan nanoley nen say siak, lapud kinaukolan da a niiter ed sikaran inagew-agew so apataplon kuartan pilak ya isaliw da na tagano tan alak. Pinapairap na anggan saray katulong da iray totoo. Balet domay impanoley ko, lapud walay takot kod Dios.

Say Libro nen Job 31:12

Singa manliub tan ag naerep ya apoy a mangoput ed amin a kayaryan ko.

Say Libro nen Job 7:2

singa sakey ya aripen a pampilpilalekan toy ambetel a siroman; singa sakey a kumikimey a mantatalaran na upa to.

Saray Salmo 36:1

Say kasalanan mansasalita ed otel na pusoy toon maoges; ipopolisay toy Dios tan ag to igagalang.

Saray Salmo 81:8

Sikayo ran totook, dengel yoy pamapasakbay ko; O Israel, agaylay pampipirawat kon ondengel kayod siak!

Saray Salmo 96:13

no onsabiy Katawan a manoley ed sankamundoan. Maptek tan matonung so panoley tod amin a katoowan.

Saray Salmo 98:9

ta onsasabi so Katawan a manoley ed sankamundoan. Matonung tan maptek so panoley tod amin a katoowan ed mundo.

Exodo 1:17

Balet sarayan manamianak, lapud walay takot dad Dios, ag da inonur imay ingganggan na ari ed sikara; ag da pinatey iray ogogaw a lalaki.

Exodo 18:21

Balet nepeg a mamili ka met na pigaran lalaki a sarag day mangipangulo, tan ipasen mo ran pangulo na saray totoo; pangulo na tunggal libon totoo, tunggal lasus, tunggal limamplo, tan tunggal pulo. Nepeg a totoo ran walay takot ed Dios, napampiaan ira tan ag da labay so mangawat na pasoksok.

Exodo 20:7

“Ag mo ikakanad maoges iran getma so ngaran ko a Yahweh a Dios mo, ta dusaen koy siopaman a mangikanad ngaran ko diad andi-kakanaan a pamaakaran.

Exodo 22:20

“Nepeg a pateyen so siopaman a mangibagat ed anggan anton dios likud ed siak a Katawan.

Probirbio 16:6

Magmaliw kan matoor tan maonur, et pirdonaen na Dios so kasalanan mo. Pagalangan moy Katawan, et anggapoy maoges a nagawad sika.

Probirbio 8:13

Say pangigalang ed Katawan kabaliksan toy iyarawid kaogsan; kabosul koy panagpaatagey tan panaglastug, say maoges a kagagawa tan saray salitan tila.

Isaias 57:3

Dago kayo dia a pasintinsiaan, sikayon makasalanan! Anggapoy pidomaan yod saray managanito, managkalugoran, tan saray marotak a bibii.

Jeremias 23:10

Say dalin napno na saray totoon aliwan matoor ed Katawan; nambilay iran maoges tan andi-kakanaay impangikana rad pakayari ra. Lapud impangisamba na Katawan nagmaliw a maneermen so dalin tan amagaan iray pastolan.

Jeremias 27:10

Papalikdoen da kayo tan sikaray makasengeg na kibantak yod pasen ya arawid bansa yo. Pataynanen ta kayo tan naderal kayo.

Jeremias 27:9

Ag yo dedengelen iray propita yo, odino siopaman a mangibabagan nayarian ton ipasakbay so nagawa ed arapen diad panamegley na saray kogip, odino diad panamegley na panawag tod saray ispiritu na saray inaatey, odino diad panamegley na salamangka. Ibabaga ran amin ya ag kayo nepeg a manlingkur ed ari na Babilonia.

Jeremias 29:23

Onyay nagawad sikara, lapud ambelabelat so ginagawa ran kasalanan—akikaloguran irad asaway kapara ran too, tan nantila rad ngaray Katawan. Sumpa yad linaway Katawan; amta to ray ginagawa ra, tan sikatoy tasi sumpad sikara. Say Katawan so nansalita.”

Jeremias 42:5

Insan inkuandad siak, “Say Katawan a Dios tayo komun so tua tan matoor a tasi sumpad sikami no ag mi onuren ya amin iray ganggan ya iter tod sika para sikami.

Jeremias 5:2

Anggaman a mansasamba kayod ngaran na Katawan, ag yo lamlamang totooren iray salita yo.

Jeremias 5:29

“Balet siak, say Katawan, dusaen ko ra lapud saraya: ombawi ak ed sayan bansa.

Levitico 19:13

“Ag yo aanamutey pankanawnawa yod arum a too odino tatakewan yo. Ag yo aabalaen na anggan sanlabi so upa na siopaman ya impankimey yo.

Levitico 20:10

No say sakey a too et mikaloguran ed asawa na kapara ton Israelita, sikato tan say biin akikaloguranan to et nepeg iran pateyen.

Levitico 20:27

“Siopamay laki odino biin mangipanon ed saray ispiritu na inaatey et nepeg a tupaken ya anggad ag to ipatey; siopaman a manggawad saya sikaton dili so makasengeg na ipatey to.”

Levitico 20:6

No walad sikayoy onkerew na simbawa ed saray midium tan diad saray manangipanon ed saray ispiritu na inaatey, sumpaen ko tan ag ko la ibilang a sakey ed saray totook.

Mikias 1:2

Dengel yo ya, amin yon bansa; dengel yo ya, amin yon manaayam ed tapew na dalin! Mantasi so Katawan a Dios sumpad sikayo. Dengel kayo! Mansasalita a manlapud mangatatawen a timplo to.

Habacuc 1:12

Katawan, manlapud gapoy gapo Dios ka la. Sika so Dios ko, masanto tan andi-anggaan. Katawan a Dios ko tan manangyagel ko, pinilim iray taga Babilonia tan pinabiskeg mo ra, pian nadusa da kami.

Zacarias 11:12

Inkuankod sikara, “No maabuloy kayo, iter yod siak so upak. Balet no ag kayo maabuloy, kayaryan yo la.” Kanyan inter day upak a talomplon pilak a kuarta.

Malakias 1:6

Say Katawan a Makapanyarin-amin kuantod saray papari, “Say anak papagalangan toy ama to, tan say aripen papagalangan toy amo to. Siak so ama yo—akin et ag yo ak pagalangan? Siak so amo yo, akin et ag yo ak itday galang? Babalawen yo ak balet tetepeten yo, ‘Panoy pamabalaw mid sika?’

Malakias 2:14

Tetepeten yo no akin et ag to la ra aawaten iray bagat yo. Say makasengeg et lapud amta ton dineral yoy sipan yod bii ya inasawa yo nen malangwer kayo ni. Sikatoy katambayan yo, balet dineral yoy sipan yod sikato, anggaman ya insipan yod arap na Dios a matoor kayod sikato.

Malakias 2:17

Pinasawa yoy Katawan lapud panagsalita yo. Balet tetepeten yo, “Panoy impamasawa mid sikato?” Pinasawa yo diad impangikuanyo, “Ipapasen na Katawan a Makapanyarin-amin a maung iray manggagaway kaogsan; diad tuay tua labalabay to ra.” Odino diad panamegley na panetepet yo, “Kawalaay Dios a nepeg a matonung?”

Lucas 23:40

Balet nampasnukan na samay kaiba to ya inkuanto, “Ag mo tatakotay Dios, anta namparay dusam ed sikato?

Saray Taga Roma 3:8

Akin et ag tayo ikuan sirin, “Manggawa itayoy kaogsan, pian mambungay kamaungan”? Diad pamaoges na saray arum ed sikami, inkuanda ya imbaga mi ya kono! Say dusan kanepegan da so niiter ed sikara.

Deuteronomio 15:13

No ibolus yo la, ag yo ibabakin anggapoy awit to.

Deuteronomio 18:10

Ag yo ibabagat ed apoy a walad tapew na altar iray anak yo, tan ag yo aabuloyan a saray totoo yo et mamparles ira, tan ag yo aaligen so gagawaen da ray managbuyon, mananem, manangipanon ed maoges ya ispiritu,

Deuteronomio 24:17

“Ag yo pipikeweten so katunongan da ray sangkaili tan saray olila; tan ag yo aalaen so kawes na biin balo a kaletan na utang tod sikayo.

Deuteronomio 27:19

“‘Napelag komun so samba na Dios ed siopaman ya ag mangiter na kanepegan da ray sangkaili, saray olila, tan saray bibiin balo.’ “Insan onebat iray amin a totoo, ‘Amen!’

Deuteronomio 5:11

“Ag mo ikakanad maoges iran getma so ngaran ko a Yahweh, a Dios mo, ta dusaen koy siopaman a mangikanad ngaran ko diad andi-kakanaan a pamaakaran.

1 TESALONICA 4:6

Nipaakar ed saya sirin, nepeg ya anggapoy toon manggaway maoges o mansaol ed agi to. Pinasakbayan mi kayo lan maung nen saman, a say Katawan dusaen ton dusaen iray manggaway onya ran kaogsan.

Saray Hebreo 13:4

Nepeg a galangen na amin a katoowan so panaasawa, tan nepeg met a matoor ed sakey tan sakey iray sanaasawa. Ta say Dios sintinsiaan to ray manggagaway inmoralidad tan saray mikakaloguran.

Santiago 5:12

Manonad amin, agagik, ag kayo mansasamba no mansipan kayo. Ag yo pansasambaay tawen, o say dalin, o arum ni ran pansambaan. Duga lay pangibaga yoy “On” no on, tan “Andi” no andi, pian ag kayo sintinsiaay Dios.

Santiago 5:4

Dengel yoy riklamo da ray totoon nankimey ed dalin yo, ta ag yo ra inoopaan. Nadngel na Katawan a Makapanyarin-amin so dageyem da ray omaani yo!

Puyan 21:8

Balet saray matakot, saray aliwan mananisia, saray marotak so panagbilay da, saray managpatey na too, saray managkasalanan na inmoralidad, saray managanito, saray manangigalang ed saray talintaoy diriyos, tan amin iray matitila—nibantak ira yan amin ed samay dayat a manliub ya apoy tan asupri, a sikatoy kumadwan patey.”

Puyan 22:15

Balet natilak ed paway na siudad iray marotak so panagbilay da, saray managanito, saray managkasalanan na inmoralidad, saray managpatey na too, saray manangigalang ed saray talintaoy diriyos, tan saray matitila diad salita tan gawa.