Malakias 3:4 - Maung A Balita Biblia

⁴ Diad ontan magmaliw a makapaliket ed Katawan iray bagat ya iyakar ed sikato na saray totood Juda tan Jerusalem, a singa gendat a ginagawa da la nen saman.

Maung a Balita Biblia

⁴ Diad ontan magmaliw a makapaliket ed Katawan iray bagat ya iyakar ed sikato na saray totood Juda tan Jerusalem, a singa gendat a ginagawa da la nen saman.

Malakias 3:4 Iomraidhean Croise

1 Saray Awaran 15:26

Angibagat ira na pitoran bakan kalakyan tan pitoran karniro, lapud tutulongan na Dios iray Levitan manasakbat na samay Kaban na Sipanan.

1 Saray Awaran 21:26

Insan nanggaway altar a para Katawan tan angisaklang na saray bagat a popoolan tan saray bagat a para kareenan. Nampikasi, et inebatan na Katawan diad panamegley na impangibaki toy apoy a nanlapud tawen ya amool ed saramay imbagat ed tapew na altar.

2 Saray Awaran 1:6

Diad arap na samay Tulda inggalang na ari so Katawan diad impangisaklang to na saray bagat ed tapew na samay gansan altar; angisaklang na sanlibon bagat a popoolan ed tapew na samay altar.

Saray Salmo 51:17

Say mapaabeban ispiritu so ibagat kod sika, O Dios; ag mo ipolisay so mapaabeba tan magbabawin puso.

Saray Salmo 51:19

Diad ontan, manliket kad saray manepeg a bagat tan saray bagat min popoolan; et saray bakan kalakyan so nibagat ed tapew na altar mo.

Isaias 56:7

“Iyakar ta kayod Sion, say masanton palandey ko, panliketen ta kayo ed dalem na abung kon panagpikasian, tan awaten ko ray bagat ya isaklang yod altar ko. Natawag so Timplok ya abung na panagpikasian na saray totoo ed amin a bansa.”

Zacarias 8:3

Ompawil ak ed Jerusalem a masanton siudad ko, tan manayam ak diman. Natawag iman a pasen a matoor a siudad tan say palandey na Katawan a Makapanyarin-amin et natawag na masanton palandey.