Malakias 3:10 - Maung A Balita Biblia

¹⁰ Iyakar yod Timplo iray amin a kakaplo yo, pian walay daakan a pantaganod man. Subok yo ak, et nanengneng yon lokasan koy puirtay tawen tan ikalbok ed sikayo so daakan a bindision.

Maung a Balita Biblia

¹⁰ Iyakar yod Timplo iray amin a kakaplo yo, pian walay daakan a pantaganod man. Subok yo ak, et nanengneng yon lokasan koy puirtay tawen tan ikalbok ed sikayo so daakan a bindision.

Malakias 3:10 Iomraidhean Croise

Genesis 28:22

sayan bato a ginawak a pakanudnunotan et magmaliw a pasen a pangigalangan ed sika, tan iter koy kakaplo na amin ya iter mod siak.”

Genesis 7:11

Nen mantaon si Noe na anem a lasus taon, diad kumalabimpiton agew na kumadwan bulan, sinmasangi ray dalin tan pinmapaway iray ankakabaleg a sobul ed dalem na dalin tan linmokas ya amin iray puirtay tawen,

2 Saray Arari 7:19

Onya balet so ebat na samay opisyal, “Ag itan nagawa—anggan mangipelag na oran a tampol so Katawan!” Inebatan balet nen Eliseo, “Nanengneng mon nagawa, balet ag mo natawayan yan tagano.”

2 Saray Arari 7:2

Say opisyal ya angolup ed ari kuantod kinen Eliseo, “Ag itan nagawa—anggan mangipelag na oran a tampol so Katawan!” “Nanengneng mon nagawa, balet ag mo natawayan yan tagano,” ebat nen Eliseo.

1 Saray Awaran 26:20

Saray arum a kapara ran Levita et makaoley irad pananginay kayamanan na Timplo tan saray kuarton panagsinupan na saray rigalon nisaklang ed Dios.

Nehemias 12:44

Diad saman a panaon nipasen iray pigaran lalaki a makaoley ed saray kuarton panagsinupan na saray tulong para Timplo a pati saray kakaplo, tan say trigon ononan anien tan say bungan ononan borboren kapag taon. Sarayan totoo so makaoley a manala, diad kaalogan na nandoroman siudad, na saray rigalon iter na totoo a para saray papari tan saray Levita onung na ibabagay Ganggan. Aliketan ya amin iray totoo na Juda ed saray papari tan saray Levita

Nehemias 12:47

Diad panaon nen Zorobabel tan diad panaon met nen Nehemias, amin da ray totood Israel naniiter iran inagew-agew na saray rigalon nakaukolan na saray tumutogtog tan saray kumakanta tan saray guardiad Timplo. Saray totoo et naniiter ira na masanton bagat ed saray Levita, tan saray Levita iniiter day kanepegan a betang na saray papari.

Nehemias 13:5

Inabuloyan ton ikana nen Tobias so sakey a baleg a kuarto a nigana a pangisinupan labat na saray bagat a trigo tan insinso, saray kagawaan ya ikakanad Timplo, saray bagat a para saray papari, tan saray kakaplo na trigo, alak, tan larak na oliba a rigalod saray Levita, saray tumutogtog tan saray kumakantad Timplo, tan saray guardiad Timplo.

Saray Salmo 37:3

Manmatalek kad Katawan tan manggawa kay kamaungan; manayam kad dalin tan arawi kad kaatapan.

Saray Salmo 78:23

Balet nansalitad tawen tan ingganggan ton onlokas iray puirta to;

Ecclesiastes 11:3

Anggan iner a dapag so tumbaan na kiew, diman to la. No makapakapal lay lorem, onoran la.

Ezekiel 34:26

“Bindisionan ko ra tan abuloyan ko ran manayam ed kaliber-liber na masanton pokdul ko. Bindisionan ko rad man na saray ompelag ya oran no nakaukolan da.

Ezekiel 44:30

Kayaryan na saray papari so sankaabigan ed amin da ray onaan a naani tan amin da ray nibagat ed siak. Kapag manggawa na tinapay iray totoo, nepeg ya iter da ed saray papari so ononan tinapay a bagat da, et mansiansia so bindision ko ed saray kaabungan da.

Oseas 2:21

Diad satan a panaon ebatan ko ray pikakasi na saray totook ya Israel. Papelagen koy oran ed tapew na dalin, et say dalin mangiter na trigo, ubas tan oliba.

Joel 2:19

Say Katawan inmebat ed sikara: “Itdan ta kayo la na trigo, alak, tan larak na oliba, et napenek kayo. Ag kayo la balawen na arum a bansa.

Joel 2:24

Napano na trigo so panagilikan; onlepwad alak tan larak na oliba iray abut ya abay na saray panagpespesan.

Levitico 26:10

Diad karakel na anien yo sakey taon ya abastoen yo; ibantak yod satan so ombak a trigo yo, tan pambilay yo lay balo.

Levitico 26:3

“No mambilay kayo onung ed saray ganggan ko tan onuren yo ray bilin ko,

Levitico 27:30

Say kakaplo na amin a bungay dalin, trigo man odino bungay kiew, et kayaryan na Katawan.

Aggeo 2:19

Anggaman ya anggapoy atilak ya ilik na trigo, tan ag ni nambunga iray ubas, igos, granada, tan oliba, balet bindisionan ta kayo.”

Saray Bilang 18:21

Say Katawan kuanto, “Impabetang kod saray Levita iray amin a kakaplo ya isaklang ed siak na saray Israelita. Pambayar ya ed sikara lapud panaglingkur dad Tuldan Ayaman ko.

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Deuteronomio 12:6

Diman yo iyakar iray isaklang yon bagat a popoolan tan saray arum a bagat, say kakaplo na saray kayaryan yo, tan saray bagat yo, saray rigalon isipan yon iter ed Katawan, saray bagat yon manlapud mabolus a linawa yo, tan saray besag ya anak na saray baka tan saray karniro yo.

Deuteronomio 14:22

“Ibiig yoy kakaplo na amin a naani yod kaalogan yo kapag taon.

Deuteronomio 14:29

Para saray Levita yan kakanen, bangta anggapoy kayaryan dan dili; ontan met, sayan kakanen et para saray sangkaili, saray olila, tan saray balo a manaayam irad saray baley yo. Nepeg ya ondago ran mangalay nakaukolan da. Gawa yoy onya, et say Katawan a Dios yo bindisionan to kayo ed amin a gawaen yo.

Deuteronomio 28:12

Lokasan toy tawen a mayaman a panagsinupan to tan ipelag toy oran no manepeg a panaon tan bindisionan toy amin a kimey yo, pian makapabayes kayod amayamay a bansa, balet ag la nakaukolan a miutang kayo ed anggan dinan a bansa.