Malakias 2:6 - Maung A Balita Biblia

⁶ Imbabangat day onung ed katonungan, ya aliwan say kapikewetan. Nambilay iran makapaliket ed siak; ag da labat ginawa so katonungan, no ag ta tinutulongan da ni ingen iray arum a totoo ed itonda rad panggaway kaogsan.

Maung a Balita Biblia

⁶ Imbabangat day onung ed katonungan, ya aliwan say kapikewetan. Nambilay iran makapaliket ed siak; ag da labat ginawa so katonungan, no ag ta tinutulongan da ni ingen iray arum a totoo ed itonda rad panggaway kaogsan.

Malakias 2:6 Iomraidhean Croise

Genesis 17:1

Nen mantaoy siamaplo tan siam si Abram, pinmanengneng ed sikato so Katawan tan inkuanto, “Siak so Dios a Makapanyarin-amin. Toluk kad siak tan gawam lawas so kamaungan.

Genesis 6:9

Saya so impanbilay nen Noe. Wala ray taloran anak ton lalaki a di Sem, Ham, tan Jafet. Si Noe labat so maung a too nen panaon to. Anggapoy pakabalawan ed sikato, ta kaibiba toy Dios.

Saray Salmo 119:142

Mansiansia ya anggad angga so inkatonung mo, tan tua lawas so ganggan mo.

Saray Salmo 119:151

Balet wala kad abay ko, Katawan, tan tuan amin iray ganggan mo.

Saray Salmo 37:30

Say maung a too kakabatan so ibabalikas to, tan kaptekan so sasalitaen to.

Saray Salmo 37:37

Imanom so toon maung, asikasom so toon matonung; say toon maarod kareenan et wala ray kabyangay boleg to,

Probirbio 5:2

Diad ontan naamtaan moy maabig a kagagawa, tan ipanengneng na panagsalitam a walay pakatalus mo.

Jeremias 23:22

No akabatan da ray niamut a kanununotan ko, ayarian da komun ya impulong so salitak ed saray totook tan atanggoyur da ran mangibeneg ed saray maoges a panagbilay da tan saray maoges a gagawaen da.

Daniel 12:3

Onsinag a singa liwaway tawen iray makabat a pangulo. Ontan met, saray ananggoyur ed saray amayamay a totoo diad panggawa ray inkatonung et anggad anggan onsinag iran singa saray bitewen.”

Oseas 4:6

Adusa ray totook lapud ag da ak bibirbiren a Dios. Sikayon papari et ag yo ak binirbir a Dios yo tan impolisay yo ray bangat ko, kanyan ipolisay ta kayo tan ag ko birbiren a paparik iray anak yon lalaki.

Mateo 22:16

Imbaki rad kinen Jesus iray pigaran disipulo ra tan pigara met a totoo nen Herodes. Inkuanda, “Maistro, kabat min tuan amin iray ibabagam, ta ibabangat mo ray totoo no antoy linawa na Dios nipaakar ed sikara. Ag ka manangibiig, lapud nampaparay pangipapasen mod amin a totoo.

Marcos 12:14

Inmasingger irad kinen Jesus tan kuanda, “Maistro, kabat min tua ya amin so ibabagam. Aliwa kan manangibiig, ta nampaparay pangipapasen mod amin a totoo. Ibabangat mo ray totoo no antoy linawa na Dios nipaakar ed sikara. Ibagam pad sikami, sumpad Ganggan kasi so pambayar na buis ed Impirador na Roma? Mambayar kamiy buis odino andi?”

Lucas 1:6

Matonung so pambibilay dan dua ed arap na Dios, tan diad panusumpal dan amiy ganggan tan bilin to, anggapoy pakabalawan ed sikara.

Lucas 20:21

Inkuanda ra yan ispia ed kinen Jesus, “Maistro, kabat min tua ray amin ya ibabagam tan ibabangat mo. Kabat mi met ya aliwa kan manangibiig, no ag ta ibabangat mo ray totoo no antoy linawa na Dios nipaakar ed sikara.

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

Deuteronomio 33:10

Ibangat da ray totoom a mangonur ed Ganggan mo; Mangisaklang ira na saray bagat ed altar mo.

Deuteronomio 33:8

Nipaakar ed tribu nen Levi inkuanto: “O Katawan, ipaamtam pay linawam diad panamegley na Urim tan Tummim Diad panamegley na saray matoor ya aripen mon Levita; Sinubok mo ra ed dalin na Masa Tan apaneknekan mon matua ra diad danum ed Meriba.

Deuteronomio 33:9

Impanengneng dan baleg so panangaro rad sika Nen say panangaro rad saray atateng, agagi, odino anak da. Inonur da ray ganggan mo Tan matoor irad impisipanan mod sikara.

Puyan 14:5

Ag iran balut nantila, tan anggapon balut so kaogsan da.

1 Samuel 2:12

Maoges iray lalakin anak nen Eli. Ag da italtalek so Katawan