Malakias 2:4 - Maung A Balita Biblia

⁴ Insan nakabatan yo ya inter kod sikayo yan ganggan, pian ag naderal so impisipanan kod saray paparin kabyangan iray boleg nen Levi.

Maung a Balita Biblia

⁴ Insan nakabatan yo ya inter kod sikayo yan ganggan, pian ag naderal so impisipanan kod saray paparin kabyangan iray boleg nen Levi.

Malakias 2:4 Iomraidhean Croise

1 Saray Arari 22:25

“Naamtaan mo no onla kan onamut ed kuarton walad beneg,” ebat nen Micaya.

Nehemias 13:29

Nudnunot mo pa, O Dios, no panon so impandotak na sarayan totoo ed inkapari tan say inpisipanan mod saray papari tan saray Levita.

Isaias 26:11

Ag amta na saray kalaban mo a dusaen mo ra. Katawan, ipelag mo pa rad kababaingan tan panliknam pa ray kairapan; ipaliknam ed sikaray dusan imparaan mo. Ipanengneng mo pad sikara so ontan lan panangarom ed saray totoom.

Isaias 27:9

Balet napirdona labat iray kasalanan na Israel, no natemek a singa katemek na tisa iray baton altar a panangigalangan na saray pagano, tan no anggapoy natilak a tanda na diosan Asera odino altar a panagpoolay insinso.

Jeremias 28:9

Balet say propitan mangipropisiya na kiwalay kareenan et nabirbir labat a propita ya imbakin peteg na Katawan, no ontua ray salita to.”

Ezekiel 33:33

Balet no ontua ray amin a salitam—et talagan ontua ra—naamtaan dad satan a walay sakey a propitan nanayam ed pegley da.”

Ezekiel 38:23

Diad onya ipanengneng kod amin a bansa a siak so matalonggaring tan masanto. Diad satan naamtaan da a siak so Katawan.”

Ezekiel 44:7

Dinotakan da so Timplok diad impangyabuloy dad saray totoon ag asegat a sangkaili, saray totoon ag mangoonur ed siak, ya onloob ed Timplo no ibabagat ed siak iray taba tan dala na saray ayayep ya ibagat. Kanyan saray totook dineral day impisipanan ko lapud amin a makapaingungot a ginagawa ra.

Malakias 3:1

Say Katawan a Makapanyarin-amin onebat, “Paonlaen koy ibabakik a mangiparaan na dalanen ko. Insan say Katawan ya anapen yo et biglan onsabi ed Timplo to. Onsabi so ibabaki a pampilpilalekan yon nanengneng tan ibawag toy sipanan ko.”

Saray Bilang 18:2

Alam a katulongan mo iray kakanayon mon kabyangay tribu nen Levi, no sika tan saray anak mo et manlingkur ed dalem na Tulda.

Saray Bilang 18:21

Say Katawan kuanto, “Impabetang kod saray Levita iray amin a kakaplo ya isaklang ed siak na saray Israelita. Pambayar ya ed sikara lapud panaglingkur dad Tuldan Ayaman ko.

Saray Bilang 25:12

Ibagam sirin ed sikato a misipanan ak ya anggad angga ed sikato.

Saray Bilang 3:11

Say Katawan kuantod kinen Moises,

Saray Bilang 3:12

“Kayaryan ko la natan iray Levita. Nen pinatey kon amin iray lalakin pangulowan ya anak na saray Egipsio, insaklang kon kayaryan kon amin iray pangulowan a lakin anak na saray Israelita, tan amin a besag ya anak na saray ayayep. Natan, saray Levita so kayaryan ko, aliwa lan saray lalakin pangulowan ya anak da ray Israelita; sikaray kayaryan ko. Siak so Katawan.”

Saray Bilang 3:45

“Isaklang mo natan a kayaryan ko iray Levita a kasalat ira na amin da ray lalakin pangulowan ya anak na saray Israelita, tan isaklang mo met iray ayayep na saray Levita a kasalat ira na amin da ray besag ya anak na ayayep na saray Israelita. Siak so Katawan.

Mateo 3:12

Sankabembenan toy bigaon pantaep to na trigo. Tiponen toy ilik ed kamalir to, balet poolan toy taep ed apoy ya ag balut naerep.”

Lucas 10:11

‘Anggan say dabuk na baley yo a pinmepeket ed saray sali mi, ipagpag mi a tanday maoges a ginawa yo. Balet, tandaan yo ya, inmasingger lay Panariay Dios!’

Juan 15:2

Ekalen toy balang sangan ag mambunga tan palinan to so sangan mambubunga, pian lalon ondakel so bunga to.