Malakias 2:15 - Maung A Balita Biblia

¹⁵ Ag ta say Dios impankasakey to kayod laman tan ispiritu? Antoy getma tod saya? Say getma to et say pananak yo na saray petepeteg a totooy Dios. Kanyan apiapiger yon imanoen ya anggapoy anggan sakey ed sikayo so maneral na sipan to ed asawa to.

Maung a Balita Biblia

¹⁵ Ag ta say Dios impankasakey to kayod laman tan ispiritu? Antoy getma tod saya? Say getma to et say pananak yo na saray petepeteg a totooy Dios. Kanyan apiapiger yon imanoen ya anggapoy anggan sakey ed sikayo so maneral na sipan to ed asawa to.

Malakias 2:15 Iomraidhean Croise

Genesis 1:27

Onya so impamalsa na Dios ed too; pinalsa to ra a kaparay indengan to. Pinalsa toy laki tan say bii,

Genesis 2:7

Insan say Katawan a Dios angalay dabuk ed dalin, minoli ton sakey a too-too, insan to iningasan na linawan manangiter na bilay ed saray abut na eleng to, et nagmaliw a mabilay a too.

Genesis 24:44

No piinomen to ak tan painomen to ni ray kamilyok, sikato komuy pinilim ya asawaey anak na amok.’

Genesis 27:46

Inkuanen Rebeca ed kinen Isaac, “Agaylay irap ko tan onsasawa ak lad saray taga arum a bansa ya asawa nen Esau. No mangasawa met si Jacob na sakey ed saray Hetea a singa sikara, maung ni laingey inatey ak.”

Genesis 6:2

Saray anak na Dios anengneng dan maganggana ra yan bibii, kanyan nampili ray inasawa ra.

Esdras 9:4

Inmirung ak diman a maerermen ya anggad oras na panangisaklang na bagat ed labi. Legan kon akayurong minokut ak na amin da ray totoon ataktakot lapud imbaga na Dios na Israel nipaakar ed saray kasalanan da ray pinmawil ed Jerusalem.

Nehemias 13:24

Say kapaldua na saray anak da et ikana ray salita ed Asdod odino salita tayo.

Say Libro nen Job 27:3

legan a paingasen ak na Dios;

Exodo 20:14

“Ag ka mikakaloguran.

Probirbio 2:17

aliwan matoor ed asawa ton dili, tan dineral to ray masanton sipan to.

Probirbio 4:23

Alwaran moy panagnunot mo; say panagnunot mo so mangooksuy na bilay mo.

Probirbio 6:25

Ag ka patutuksod ganggana ra; ag ka pasasagyat ed panagkindat da.

Probirbio 7:25

Ag kayo patatangguyor ed onyan bii; ag kayo akar-akar a mananap ed sikato.

Ecclesiastes 12:7

Ompawil ed dabuk na dalin so laman to tan say ispiritu to ompawil ed Dios ya angiter ed sikato.

Jeremias 2:21

Intanem ta kan singa pinilin wakal na ubas, singa sankaabigan a bini. Balet nengneng mo no antoy nansumpalan mo! Nagmaliw kan aboluk tan andi-kakanaan a wakal na ubas.

Oseas 1:10

Magmaliw a singa karakel na buer ed dayat iray totood Israel; ag ira nabilang odino nasukat. Natan say Dios kuantod sikara, “Aliwa kayon totook,” balet onsabiy agew ya ibaga tod sikara, “Sikayo ray anak na mabilay a Dios!”

Levitico 20:10

No say sakey a too et mikaloguran ed asawa na kapara ton Israelita, sikato tan say biin akikaloguranan to et nepeg iran pateyen.

Malakias 2:14

Tetepeten yo no akin et ag to la ra aawaten iray bagat yo. Say makasengeg et lapud amta ton dineral yoy sipan yod bii ya inasawa yo nen malangwer kayo ni. Sikatoy katambayan yo, balet dineral yoy sipan yod sikato, anggaman ya insipan yod arap na Dios a matoor kayod sikato.

Mateo 15:19

Ta manlapud pusoy too iray maoges a kanunotan, panagpatey, pikakaloguran, pilalawanan, panagtakew, panagtila, tan panagpaoges ed kaparan too.

Juan 20:22

Kapangibaga tod saya, iningasan to ra tan kuanto, “Awat yoy Ispiritu Santo.

Saray Gawgawa 3:25

Para sikayo ray insipan na Dios diad panamegley da ray propita, tan mibibiang ki met ed sipanan a ginaway Dios tan saray lalaki yo. Onung na inkuay Dios ed kinen Abraham, ‘Bindisionan koy amin a katoowad mundo diad panamegley na saray kabyangay boleg mo!’

1 CORINTO 7:14

Ta say aliwan mananisian laki et magmaliw a makapaliket ed Dios makasengeg ed mananisian asawa to, tan say aliwan mananisian bii et magmaliw a makapaliket ed Dios, makasengeg ed asawa ton mananisia. Ta no aliwan ontan, ag magmaliw a makapaliket ed Dios iray anak da, balet say katwaan to, makapaliket ira.

1 CORINTO 7:2

Balet lapud ontan lan karakel a nagagawan inmoralidad, nepeg a walay asawa so balang laki tan balang bii.

2 CORINTO 6:18

Siak met lad satay magmaliw ya ama yo, tan sikayon lalaki tan bibii met la so magmaliw ya anak ko, say Makapanyarin-amin a Katawan onyay ibabaga to.”

TAGA-EFESO 6:4

Atateng, apiger yoy kagagawa yod anak yo pian ag yo ra napampasnuk. Ingen, pabaleg yo ra onung ed panagdisiplina tan panamilin na Katawan.

Deuteronomio 7:4

ompan tangguyoren da ray anak yon mangikaindan ed Katawan et mangigalang irad arum a diriyos. No ontan so nagawa, makapasnuk ed sikayo so Katawan tan pateyen to kayon tampol.

Tito 1:6

say matakken nepeg ya anggapoy pakabalawad sikato, sakey labat so asawa to, mananisia ray anak to, tan aliwa ran magolo-golo o benger.

Ruth 4:12

Saray anak ya iter na Katawan diad panamegley na sayan bii et gawaen da komun so pamilyam a singa pamilya nen Fares, say anak di Juda tan si Tamar.”

1 Samuel 2:20

Insan bindisionan nen Eli si Elcana tan si asawa to, tan ikuantod Elcana, “Iyabuloy komun na Katawan a makaanak ka nid sayan bii, pian walay mangalay pasen na anak yon insaklang yod Katawan.” Kayari to ya, onsempet la ra.