Malakias 2:14 - Maung A Balita Biblia

¹⁴ Tetepeten yo no akin et ag to la ra aawaten iray bagat yo. Say makasengeg et lapud amta ton dineral yoy sipan yod bii ya inasawa yo nen malangwer kayo ni. Sikatoy katambayan yo, balet dineral yoy sipan yod sikato, anggaman ya insipan yod arap na Dios a matoor kayod sikato.

Maung a Balita Biblia

¹⁴ Tetepeten yo no akin et ag to la ra aawaten iray bagat yo. Say makasengeg et lapud amta ton dineral yoy sipan yod bii ya inasawa yo nen malangwer kayo ni. Sikatoy katambayan yo, balet dineral yoy sipan yod sikato, anggaman ya insipan yod arap na Dios a matoor kayod sikato.

Malakias 2:14 Iomraidhean Croise

Genesis 2:18

Insan inkuan na Katawan a Dios, “Aliwan maung a mambukbukor so too. Igawaan ko na sakey a manepeg a kaiba to tan katulongan to.”

Genesis 31:50

Intuloy nen Laban ya inkuan, “No makapoy so ipatnag mod saray anak ko, o mangasawa ka na arum a bibii, anggaman ya ag ko amta, ag mo lilingwanan a bambantayan ita na Dios.

Probirbio 2:17

aliwan matoor ed asawa ton dili, tan dineral to ray masanton sipan to.

Probirbio 30:20

Onyay kagagawa na biin aliwan matoor ed asawa to; mikaloguran, manames, insan kuanto, “Anggapoy ginawak a maoges!”

Probirbio 5:20

Anak ko, akin et iter moy panangarom ed arum a bii? Akin et labay mo niy ganggana na asaway arum a laki?

Ecclesiastes 9:9

Legan a mambibilay kad sayan andi-kakanaan a bilay ya inter ed sika na Dios diad sayan mundo, manliket kan miamung ed inararom ya asawa. Manliket kan inagew-agew, ta sikato labat so nagunggonam ed amin a gunigon mo.

Kanta nen Solomon 1:15

Alay gangganam, O inarok; inmagayep iray matam!

Isaias 54:6

Israel, singa ka malangwer ya asawan bii, a tinaynan na asawa to kanyan mapalaloy segsegang mo. Balet tinawag ka lamet na Katawan a kuanto,

Isaias 58:3

Tepet na saray totoo, “Akin et manayuno kami no ag lamlamang imanoen na Katawan so panayuno mi? Akin et manayuno kami anta ag met lamlamang imanoen na Katawan so ag mi pangan?” Say Katawan kuantod sikara, “Say katwaan to ibabansag yod panagayuno yo so panggagawa yoy pankaabigan yon dili tan say pamapairap yod saray kumikimey yo.

Jeremias 29:23

Onyay nagawad sikara, lapud ambelabelat so ginagawa ran kasalanan—akikaloguran irad asaway kapara ran too, tan nantila rad ngaray Katawan. Sumpa yad linaway Katawan; amta to ray ginagawa ra, tan sikatoy tasi sumpad sikara. Say Katawan so nansalita.”

Jeremias 42:5

Insan inkuandad siak, “Say Katawan a Dios tayo komun so tua tan matoor a tasi sumpad sikami no ag mi onuren ya amin iray ganggan ya iter tod sika para sikami.

Jeremias 8:12

Totook, ambaing kayo kasi lapud ginagawa yo ra yan makapaingungot a bengatla? Andi! Anggapon balut so baing yo; ag anggan ombabalangay lupa yo! Kanyan natumba kayo a singa impakatumbay arum; no dusaen ta kayo, samput yo la. Siak, say Katawan, so nansalita.

Jeremias 9:2

Wala komuy pasen a napanayaman kod kalawakan, pian niarawian ko ray totook. Aliwa ran matoor; olup iray traidor.

Ezekiel 16:8

“Nen ondadalan ak lamet, anengneng kon sinmabi lay panaon na panibeg mo. Kinobutan ko na latup ko so laman mo tan insipan kon aroen ta ka. Akisipanan ak ed sikan asawaen ta ka, et sikay nagmaliw a kien ko.” Sikato yay imbaga na Katawan a Dios.

Mikias 1:2

Dengel yo ya, amin yon bansa; dengel yo ya, amin yon manaayam ed tapew na dalin! Mantasi so Katawan a Dios sumpad sikayo. Dengel kayo! Mansasalita a manlapud mangatatawen a timplo to.

Malakias 2:15

Ag ta say Dios impankasakey to kayod laman tan ispiritu? Antoy getma tod saya? Say getma to et say pananak yo na saray petepeteg a totooy Dios. Kanyan apiapiger yon imanoen ya anggapoy anggan sakey ed sikayo so maneral na sipan to ed asawa to.

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Malakias 3:8

Tetepetan ta kayo, maung kasin takewan na too so Dios? Andi-duaruwa ya aliwan maung, balet tatakewan yo ak. “Panon mi kan tatakewan?” tepet yo. Diad saray kakaplo tan diad saray bagat.

Saray Huis 11:10

Inmebat ira, “Onabubon kami. Say Katawan so tasi tayo!”

1 Samuel 12:5

Inmebat si Samuel, “Say Katawan tan say pinili ton ari, sikaray tasik ed sayan agew ya anggapoy nalmoan yon kasalanan ko.” “On, say Katawan so tasi mi,” ebat da.