Malakias 2:11 - Maung A Balita Biblia

¹¹ Ag tinoor na saray totood Juda so sipan dad Dios tan nanggagawa rad Jerusalem tan diad intiron bansa na mabambanday a bengatla. Dinotakan da so Timplo ya inaro na Katawan. Saray lalaki et angaasawa ra na saray bibiin mangigagalang ed saray diriyos na arum a bansa.

Maung a Balita Biblia

¹¹ Ag tinoor na saray totood Juda so sipan dad Dios tan nanggagawa rad Jerusalem tan diad intiron bansa na mabambanday a bengatla. Dinotakan da so Timplo ya inaro na Katawan. Saray lalaki et angaasawa ra na saray bibiin mangigagalang ed saray diriyos na arum a bansa.

Malakias 2:11 Iomraidhean Croise

Esdras 10:2

Insan si Secanias a lakin anak nen Jehiel tan kabyangay boleg nen Elam inkuantod Esdras, “Nankasalanan kamid Dios lapud impangaasawa mid saray bibiin taga arum a bansa. Anggaman ontan, wala niy ilalo na Israel.

Esdras 9:12

Imbaga rad sikami ya ag kamin balut mangasawa o miasawa ed saraman a totoo. Imbaga ra met ya ag mi ran balut tulongan ya onaligwas o ombolaslas, no labay min kayaryanen so kaabigan na dalin tan ando lan andon ipatawir mid saray kabyangay boleg mi.

Saray Salmo 106:28

Insan akibabali ran angigalang ed Baal diad Peor tan angan ira na saray imbagat ed saray diriyos ya anggapoy bilay.

Jeremias 2:3

Israel, bukor moy kayaryan ko nen saman; sikay masanton kayaryan ko. Pinairap ko tan initdan ko na segsegang iray amin a mamapasakit ed sika. Siak, say Katawan, so nansalita.”

Jeremias 3:10

Kayari na sarayan amin, say Juda ya aliwan matoor a biin agi na Israel, nankonkonwarin ompawil ed siak; aliwan masimoon so impawil tod siak. Siak, say Katawan, so nansalita.”

Jeremias 7:10

Gagawaen yo ray makapaingungot ed arap ko, insan manalagey kayod imatun ko diad dalem na Timplo tan kuanyo, ‘Arawi kamid kaatapan!’

Ezekiel 18:13

tan ipapaabang toy kuarta to. Mambilay kasi? Andi, ag mambilay. Ompatey, lapud ginagawa to ray makapaingungot a bengatla. Sikaton dili so natetel ed ipatey to.

Ezekiel 22:11

Wala ray mikakaloguran, tan saray arum papalikdoen dan piakdulan iray manugang da odino saray agi rad ama o ina.

Oseas 6:7

“Balet kaloob da ed dalin diad Adam, dineral da so impisipanan kod sikara.

Levitico 20:26

Nepeg a masanto kayo tan siak labat so akankayaryan ed sikayo, lapud siak so Katawan tan masanto ak. Imbiig ta kayo ed saray arum a bansa pian sikayo labat so kayaryan ko.

Malakias 1:1

Sikato yay salita na Katawan ed saray totood Israel diad panamegley nen Malakias.

Deuteronomio 14:2

Kayaryan kayo na Katawan a Dios yo; pinili to kayon dilin totoo to diad saray amin a totood tapew na dalin.

Puyan 21:8

Balet saray matakot, saray aliwan mananisia, saray marotak so panagbilay da, saray managpatey na too, saray managkasalanan na inmoralidad, saray managanito, saray manangigalang ed saray talintaoy diriyos, tan amin iray matitila—nibantak ira yan amin ed samay dayat a manliub ya apoy tan asupri, a sikatoy kumadwan patey.”

Saray Huis 3:6

Akikiasawaan irad sikara tan angigagalang irad saray diriyos da.