Malakias 1:7 - Maung A Balita Biblia

⁷ Onyay pamabalaw yod siak—mangibabagat kayoy andi-kakanaan a kakanen ed altar ko. Insan tetepeten yo, panoy ag mi impamagalang ed sika? Ibagak ed sikayo—diad ag yo pangingalngalep ed altar ko.

Maung a Balita Biblia

⁷ Onyay pamabalaw yod siakmangibabagat kayoy andi-kakanaan a kakanen ed altar ko. Insan tetepeten yo, panoy ag mi impamagalang ed sika? Ibagak ed sikayodiad ag yo pangingalngalep ed altar ko.

Malakias 1:7 Iomraidhean Croise

Ezekiel 41:22

altar a tabla. Sakey tan kapalduay mitro so kaatagey to tan sakey a mitro so kaawang to. Kiew iray lusek tod suyok, say nidapod datal, tan saray dingding to. Samay too inkuantod siak, “Sikato yay lamisaan a manalalagey ed arap na Katawan.”

Ezekiel 44:16

Sikara labat so onloob ed Timplok, manlingkur ed altar ko, tan mangipangulo na panangingalang diad Timplo.

Levitico 2:11

Amin a bagat a trigo ya iyapay yod Katawan et ag nepeg a laukan na libadura; ag kayon balut mangikakana na libadura odino dilo ed kakanen ya ibagat ed Katawan.

Levitico 21:6

Nepeg a sikatoy masanto tan ag to nepeg ya ipelag ed kababaingan so ngaran ko. Sikatoy mangisasaklang na bagat a popoolan, kanyan nepeg a masanto.

Levitico 21:8

Saray totoo nepeg ya ipasen dan masanto so pari, lapud sikatoy mangisasaklang ed siak na bagat a kakanen. Siak so Katawan, masanto ak tan pasantosen ko ray totook.

Levitico 3:11

Say parin mangibabagat poolan to ra yan amin ed tapew na altar a sakey a bagat a popoolan ed Katawan.

Malakias 1:12

Balet ag yo ak papagalangan nen kuanyo ya andi-kakanaan so altar ko tan isasaklang yod altar ko so ag yo labalabay a kakanen.

Malakias 1:13

Ibabaga yo, ‘Onsasawa kami lad sarayan amin!’ Insan yo ak kokobibitan. Mangibabagat kayod siak na tinakew ya ayep odino piley odino mansasakit. Abaloan yo awaten ko tan ed sikayo?

Malakias 1:8

Abaloan yo ya anggapoy kaogsan so pangibabagat yod siak na bulag odino mansasakit, odino piley ya ayep? Sali yo pay mangiter ed gobirnador na onman a klasiy ayep? Manliket kasid sikayo odino mangiter kasi na panangasi ed sikayo?”

1 CORINTO 10:21

Ag yo nayariay oninom ed kupay Katawan tan diad kupa da ray dimonyo. Ag yo nayariay ondongod lamisaay Katawan tan diad lamisaan da ray dimonyo.

Deuteronomio 15:21

Balet no walay deral na laman na sarayan ayep, no lopuy ira odino bulag ira odino walay sananey a mapalalon deral na laman da, ag yo ra nepeg ya ibagat ed Katawan a Dios yo.