Lucas 9:47 - Maung A Balita Biblia

⁴⁷ Amta nen Jesus no antoy nununoten da, kanyan anawag na sakey ya ogaw tan pinaalagey tod abay to.

Maung a Balita Biblia

⁴⁷ Amta nen Jesus no antoy nununoten da, kanyan anawag na sakey ya ogaw tan pinaalagey tod abay to.

Lucas 9:47 Iomraidhean Croise

Saray Salmo 139:2

Antam ya amin iray gagawaen ko; anggan arawiy kawalaan mo, natatalusan mo ray kanunotan ko.

Saray Salmo 139:23

Sokayan mo ak pa, Katawan, tan amtaen moy walad isip ko; subok mo ak, tan amtaen mo so walad kanunotan ko.

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

Mateo 12:15

Nen akabatan nen Jesus yan plano ra, tinmaynan diman. Amayamay iray totoon akilad sikato. Pinaabig to ray amin a mansasakit,

Mateo 9:4

Amta nen Jesus so walad kanunotan da kanyan inkuanto, “Akin et maoges so walad kanunotan yo?

Lucas 5:22

Amta nen Jesus so walad kanunotan da, kanyan inkuantod sikara, “Akin et ontay walad kanunotan yo?

Juan 16:30

Amta mi la natan a kabat mo ray amin a bengatla tan ag mo kakaukolay anggan siopa a manepet ed sika. Lapud saya manisia kamin nanlapu kad Dios.”

Juan 2:25

Ag la nakaukolan ya ipaamta na siopaman ed sikato no antoy inkatoo na anggan siopa, ta kabat to so walad puso na too.

Juan 21:17

Pinitlo nen Jesus a tinepet, “Simon ya anak nen Juan, inaro mo ak?” Naermenay Pedro ta pinitlo nen Jesus a tinepet, “Inaro mo ak?” Kanyan kuantod kinen Jesus, “Katawan, amtam iray amin a bengatla; amtam ya inaro ta ka!” Inkuanen Jesus ed sikato, “Asikasom iray karnirok.

1 CORINTO 14:20

Agagi, ag kayo singa ogogaw diad panagnunot yo. Mipara kayod saray ogogaw no nipaakar ed kaogsan, balet singa kayo komun matakken diad panagnunot yo.

Saray Hebreo 4:13

Anggapoy niamut ed Dios. Diad pakanengneng to, lokas tan malinew ya amin iray pinalsa, tan sikato so pangebatan tayod kabibilay tayo.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.