Lucas 9:33 - Maung A Balita Biblia

³³ Nen ontataynan la ra may lalaki, inkuanen Pedro ed kinen Jesus, “Maistro, maung ta wadya itayo. Manggawa kamiy taloran ayaman: sakey so para sika, sakey so para si Moises, tan sakey so para si Elias.” (Diad tuay tua ag to amtay ibabaga to.)

Maung a Balita Biblia

³³ Nen ontataynan la ra may lalaki, inkuanen Pedro ed kinen Jesus, Maistro, maung ta wadya itayo. Manggawa kamiy taloran ayaman: sakey so para sika, sakey so para si Moises, tan sakey so para si Elias. (Diad tuay tua ag to amtay ibabaga to.)

Lucas 9:33 Iomraidhean Croise

Saray Salmo 27:4

Saksakey so kinerew kod Katawan; saksakey so pampipilalekan kon nagamuran: say panayam kod abung na Katawan legay bilay ko, pian nanengneng kod may kaabigan to, tan nakerew ko so panangiwanwan to.

Saray Salmo 73:28

Balet para siak, agaylay abig so maasingger ed Dios, say paiyagel ed Katawan a Dios; say pangibawag na amin a ginagawa to!

Mateo 17:14

Nen pinmawil ira asabian day amayamay a totoo. Sinmingger so sakey a too, nantalimukor ed arap nen Jesus

Mateo 17:4

Kanyan kuanen Pedro ed kinen Jesus, “Maung, Katawan, a wadya itayo. No labay mo, manggawa ak na taloran ayaman dia: sakey so para sika, sakey so para si Moises, tan sakey so para si Elias.”

Marcos 10:38

Inkuanen Jesus ed sikara, “Ag yo amtay kekerewen yo. Nayarian yo kasiy oninom ed kupan nepeg kon inoman? Nayarian yo kasiy mampabinyag ed pampabinyagan ko?”

Lucas 5:5

“Maistro,” ebat nen Simon, “sanlabi kami lan nansagput, et anggapoy nala mi. Balet lapud ibabagam, ipelag ko ray iket.”

Lucas 9:34

Mansasalita niy Pedro nen walay lorem a linmesa tan tinarungan to ra. Ataktakot ira nen tinarungan iray lorem.

Lucas 9:49

Inkuanen Juan, “Maistro, akanengneng kamiy sakey a toon mamapaekal na saray dimonyo ed ngaran mo. Binano mi, lapud aliwan kabyangan na olupan tayo.”

Juan 14:8

Inkuanen Felipe ed sikato, “Katawan, ipanengneng moy Ama ed sikami, et masarag lad sikami.”

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.