Lucas 9:30 - Maung A Balita Biblia

³⁰ Kabebekta, wala ray duaran lalakin mitotongtong ed sikato: si Moises tan si Elias.

Maung a Balita Biblia

³⁰ Kabebekta, wala ray duaran lalakin mitotongtong ed sikato: si Moises tan si Elias.

Lucas 9:30 Iomraidhean Croise

Lucas 1:17

Onlan onona nen say Katawan, tan nawalaan na singa pakayari tan ispiritu nen propita Elias. Papawilen toy panaarowan da ray ama tan anak. Papawilen to met ed dalan da ray matonung iray totoon bangar. Diad ontan, iparaan to ray totoo a mangawat ed Katawan.”

Lucas 24:27

Insan impaliwawa nen Jesus ed sikara yan asalitan nipaakar ed sikato diad Masanton Sulat, manlapud saray libro nen Moises ya anggad saray sulat na amin da ray propita.

Lucas 24:44

Insan inkuantod sikara, “Sikara yay sinalitak ed sikayo nen kaibiba ta kayo ni. Imbagak ed sikayon nepeg a nasumpal ya amin iray nisulat nipaakar ed siak diad Ganggan nen Moises, diad saray sulat da ray propita, tan diad saray Salmo.”

Lucas 9:19

“Wala ray mangibabagan sika si Juan a Managbinyag,” ebat da. “Ibabagay arum a si Elias ka; wala met iray mangibabagan sakey ka ed saray propita nen saman ya inmolid bilay.”

Lucas 9:29

Nen mampipikasi, naoman so nengneng na lupa to. Pinmotipotin mankidyam so kawes to.

Lucas 9:31

Pinmanengneng iran walay mangatatawen a liwawa, tan mitotongtong irad kinen Jesus na nipaakar ed magano lan panumpal toy linaway Dios, salanti say ipatey tod Jerusalem.

Juan 1:17

Inter na Dios so Ganggan ed panamegley nen Moises, balet say aro tan katwaan sinmabid panamegley nen Jesu-Cristo.