Lucas 9:2 - Maung A Balita Biblia

² Insan to ra imbakin mangipulong na Panariay Dios tan mamaabig ed saray mansasakit.

Maung a Balita Biblia

² Insan to ra imbakin mangipulong na Panariay Dios tan mamaabig ed saray mansasakit.

Lucas 9:2 Iomraidhean Croise

Mateo 10:5

Imbaki nen Jesus ira yan labindua tan onyay imbilin tod sikara: “Ag kayo oonla ed lugar da ray Hintil; ontan met ya ag kayo oonlad anggan anton baley da ray Samaritano.

Mateo 13:19

Saramay ilik a dinmapod gilig na dalan aliling day salitan nipaakar ed Panarian a derengelen na totoo, balet ag da natatalusan. Laen na samay Maoges ya ekalen imay salitay Dios a dinmapod puso ra.

Mateo 24:14

Nipulong ed intiron mundo yan Maung a Balita a nipaakar ed Panariay Dios, a pamaneknek ed amin a katoowan. Kasumpal to ya, insan lad satan onsabiy kasamputan.”

Mateo 3:2

Inkuanto, “Magbabawi kayod saray kasalanan yo, ta asingger lay Panariay tawen!”

Marcos 16:15

Inkuantod sikara, “Laka kayod intiron mundo tan ipulong yoy Maung a Balita ed amin a pinalsa.

Marcos 6:12

Linma sirin iray labindua a nampulong na pampatauli da ray totoo ed saray kasalanan da.

Lucas 10:1

Kasumpal to ya, nampili si Jesus na pitomplo tan duan totoo. Pinaona to ra ed saray baley tan lugar a laen to, tan impanoolup to ran sandederwa.

Lucas 10:11

‘Anggan say dabuk na baley yo a pinmepeket ed saray sali mi, ipagpag mi a tanday maoges a ginawa yo. Balet, tandaan yo ya, inmasingger lay Panariay Dios!’

Lucas 10:9

paabig yo ray mansasakit, tan ikuanyod saray totood man, ‘Inmasingger lad sikayo so Panariay Dios.’

Lucas 16:16

“Anggad kinen Juan a Managbinyag labat so kanay Ganggan nen Moises tan saray sulsulat da ray propita. Nanlapu lad saman, nipupulong so Maung a Balitan nipaakar ed Panariay Dios, tan gagawaen na totoo so anggaay nayarian da ya onloob.

Lucas 9:11

Nen nadngelan ya na totoo, tinombuk day Jesus tan maliket ya angawat ed sikara. Nansalitay Jesus ed sikara na nipaakar ed Panariay Dios, tan pinapaabig to ray mansasakit.