Lucas 9:19 - Maung A Balita Biblia

¹⁹ “Wala ray mangibabagan sika si Juan a Managbinyag,” ebat da. “Ibabagay arum a si Elias ka; wala met iray mangibabagan sakey ka ed saray propita nen saman ya inmolid bilay.”

Maung a Balita Biblia

¹⁹ Wala ray mangibabagan sika si Juan a Managbinyag, ebat da. Ibabagay arum a si Elias ka; wala met iray mangibabagan sakey ka ed saray propita nen saman ya inmolid bilay.

Lucas 9:19 Iomraidhean Croise

Malakias 4:5

“Balet kasakbayan na isabi na baleg tan makapataktakot ya agew na Katawan, ibakik ed sikayo si propita Elias.

Mateo 14:2

Inkuanen Herodes ed saray katulong to, “Si Juan a Managbinyag so tatawagen day Jesus. Inmolin binmilay, kanyan ontan lay pakayari to.”

Mateo 3:1

Diad saraman ya agew sinmabiy Juan a Managbinyag ed kalawakay Judea tan nampupulong diman.

Marcos 6:14

Nadngelan nen Ari Herodes ira yan amin ya agawgawa, lapud bantug lay Jesus. Wala ray totoon inkuanda, “Inmolin binmilay si Juan a Managbinyag! Sikaton makapanggagawa na ontan la ran milagro.”

Marcos 6:15

Inkuan met na saray arum, “Si Elias ya.” Wala ni ra ingey mangibabaga, “Sakey yan propita, a singa saray propita nen saman.”

Lucas 9:18

Aminsan nen mampipikasi a bukor si Jesus, sinmingger iray disipulod sikato. Tinepet tod sikara, “Siopa ak, onung na ibabagay totoo?”

Lucas 9:20

“Sikayo balet, antoy kuanyo? Siopa ak?” tepet tod sikara. Inmebat si Pedro, “Sikay Cristo na Dios!”

Juan 1:21

Tinepet da, “Siopa ka sirin? Sika si Elias?” “Andi, aliwan siak,” ebat to. “Sika may propita ya alagden mi?” tinepet da lamet ed sikato. “Andi,” ebat tod sikara.

Juan 1:25

Tinepet dad kinen Juan, “No aliwa kan Cristo, odino si Elias, odino samay Propita, akin et mamibinyag ka?”

Juan 7:40

Nen nadngel da yan salita nen Jesus, inkuan na saray arum, “Talagan saya may propitan aalagden tayo!”

Juan 9:17

Tinepetan lamet sirin na saray Pariseo may laki. Inkuanda, “Sika met ey, antoy nibagam nipaakar ed sikato, bangta initdan to kay pakanengneng?” Inmebat imay laki, “Propita man a too.”