Lucas 9:12 - Maung A Balita Biblia

¹² Nen onngangarem la, dinmagod kinen Jesus iray labinduan disipulo. Inkuandad sikato, “Ibakim la ray totoo, pian makakar irad kaabungan ed saray kaliber-liber a bario, et makalmo ray kanen tan ogipan da, ta arawid kaabungan yan pasen.”

Maung a Balita Biblia

¹² Nen onngangarem la, dinmagod kinen Jesus iray labinduan disipulo. Inkuandad sikato, Ibakim la ray totoo, pian makakar irad kaabungan ed saray kaliber-liber a bario, et makalmo ray kanen tan ogipan da, ta arawid kaabungan yan pasen.

Lucas 9:12 Iomraidhean Croise

Ezekiel 34:25

Misipanan ak ed sikara tan sayan sipanan et mangyarawi ed sikara ed maoges. Paandien kod dalin iray maruksan ayayep, pian arawid kaatapan iray karnirok diad panayaman dad saray kaalogan tan diad iyogip dad katakelan.

Oseas 13:5

Tinalima ta kayo nen wala kayod kalawakan ya anggapoy danum.

Mateo 14:13

Kadngel nen Jesus ed sayan balita, linmogan ed sakey a baloto, tan linman nambukbukor ed sakey a pasen a mareen. Balet nen nadngelan na totoo, tinaynan da ray balbaley da tan nanakar iran tinmombuk ed kinen Jesus.

Mateo 15:23

Balet ag inebatan nen Jesus na anggan sakey a salita. Inmasingger iray disipulod sikato tan kuanda, “Ibakim la, ta totombuken to itayo tan maingaingal.”

Mateo 15:32

Tinawag nen Jesus iray disipulo to tan inkuanto, “Nakakasian ko ra yan totoo, ta taloy agew lan kaibak ira, et anggapoy naakan da. Ag ko met labay iran pasempeten a narasan, ta ompan naelew irad dalan.”

Lucas 9:11

Nen nadngelan ya na totoo, tinombuk day Jesus tan maliket ya angawat ed sikara. Nansalitay Jesus ed sikara na nipaakar ed Panariay Dios, tan pinapaabig to ray mansasakit.

Lucas 9:13

Balet inkuanen Jesus ed sikara, “Sikayo ingey mangiter na kanen da.” Inmebat ira, “Anggapoy kanen tayo no ag labat limaran tinapay tan duaran sira. Say labay mon ibaga, onla kamin manaliw na kanen da ra yan amin a totoo?”

Juan 6:1

Kasumpal to ya, binmasil si Jesus ed biek na Dayat na Galilea (o Dayat na Tiberias).

FILIPOS 1:19

et say pakaamtak a nabolus ak lapud pananulong na Ispiritu nen Jesu-Cristo tan lapud pangipipikasi yod siak.