Lucas 8:44 - Maung A Balita Biblia

⁴⁴ Inmasingger ed nibeneg nen Jesus, insan to diniwit so saloy na kawes nen Jesus. Tinmondan tampol so pandadala to.

Maung a Balita Biblia

⁴⁴ Inmasingger ed nibeneg nen Jesus, insan to diniwit so saloy na kawes nen Jesus. Tinmondan tampol so pandadala to.

Lucas 8:44 Iomraidhean Croise

Exodo 15:26

Inkuanto, “No sigput so pangonur yod siak a Katawan a Dios yo, tan gawaen yoy antokaman ya ipapasen kon matonung tan sumpalen yo ray ganggan ko, ag ta kayo dusaen na saray salot ya impadalan kod saray Egipsio. Siak so Katawan a mamapaabig ed sikayo.”

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

Mateo 20:34

Akasian ira nen Jesus, kanyan diniwit to ray mata ra. Akanengneng iran tampol, insan ira tinmombuk ed sikato.

Mateo 8:3

Inyonat nen Jesus so lima to, diniwit to tan inmebat, “Labay ko. Abig ka la!” Inmabig a tampol imay toon akating.

Mateo 9:20

Tinmombuk ed sikatoy sakey a biin labinduay taon lan maniirap lapud alablabas a pandadala to. Sinmingger tan diniwit toy saloy na kawes nen Jesus.

Marcos 6:56

Diad inerman a nila ton bario, baley, o kaalogan, saray totoo inawit dad plasa ray mansasakit da, tan akikasi rad sikaton pariwit toy anggan saloy na kawes to. Inmabig iray amin ya akariwit.

Lucas 13:13

Insan intapew nen Jesus iray lima tod samay bii, et tampol a nampetek so beneg to tan indayew toy Dios.

Lucas 7:38

Inmasingger ed nibeneg nen Jesus, diad saliyan to. Mannangnangis diman tan manterter so lua to ed sali nen Jesus. Pinonasan to ray sali nen Jesus na buek to, inanguban to ra tan pinoyukan to ray pabalingit.

Lucas 8:43

Walad may biin labinduay taon la maniirap lapud alablabas a pandadala to. Agastos to lad saray doktor iray amin a kuarta to, balet anggapoy makapaabig ed sikato.

Lucas 8:45

Tinepet nen Jesus, “Siopay aniwit ed siak?” Nen anggapoy mamirbir, inkuanen Pedro, “Maistro, deresdesen tan leletleten kay amayamay a totoo!”

Juan 5:13

Balet ag kabat na samay toon apaabig no siopa, lapud karakel na tood saman a pasen, tan si Jesus et inmarawi la.

Saray Gawgawa 19:12

Anggan saray panyo tan tapitapi a nidiwit ed laman to inyaakar dad saray mansasakit, et inmaabig ira tan inmeekal ed sikaray maoges iran ispiritu.

Saray Gawgawa 5:15

Lapud gagawaen da ray apostol, saray totoo impaparokul dad saray dalagan tan ikamen iray mansasakit tan inyaakar da rad daladalan, pian saray arum ed sikara et naaninoan labat nen Pedro no onlabas.

Deuteronomio 22:12

“Daitan yo na palagoygoy so apatiran suyok na kawes yo.