Lucas 8:35 - Maung A Balita Biblia

³⁵ Kanyan dinmadago ray totoo a nengnengen da no antoy agawa. Kaasingger dad kinen Jesus, anengneng da may lakin angekalan to na saray dimonyo. Manyodyorung ed saliyan nen Jesus, akakawes la, tan duga lay kalakal to. Diad satan, ataktakot ira.

Maung a Balita Biblia

³⁵ Kanyan dinmadago ray totoo a nengnengen da no antoy agawa. Kaasingger dad kinen Jesus, anengneng da may lakin angekalan to na saray dimonyo. Manyodyorung ed saliyan nen Jesus, akakawes la, tan duga lay kalakal to. Diad satan, ataktakot ira.

Lucas 8:35 Iomraidhean Croise

Saray Salmo 51:10

O Dios, gawam pan malinis so pusok; itdan mo ak pay balo tan matoor ya ispiritu.

Isaias 53:12

Kanyan itdan ko na pasen na kagalangan, sakey a pasen a nakaiba to ray matalonggaring tan makapanyarin totoo. Sibobolus ton inter so bilay to tan say impatey to kapara na impatey na saray totoon maoges. Inala toy pasen da ray amayamay a makasalanan tan impikasi ton napirdona ra.”

Mateo 4:24

Kinmayat ed intiron Siria so balitan nipaakar ed kinen Jesus, kanyan inaawit dad sikaton amin iray mansasakit tan amin iray manlilikna na kairapan: saray totoon inaponay dimonyo, saray dumurulot, tan saray paralitiko. Pinapaabig nen Jesus iran amin.

Marcos 5:15

Kaasingger dad kinen Jesus, anengneng da may lakin inaponan nen saman na saray dimonyo. Wadman a manyodyorung, akakawes la, tan duga lay kalakal to. Diad impakanengneng da, ataktakot ira.

Lucas 10:39

tan walay agi ton manngaray Maria. Si Maria inyorung tod saliyan na Katawan tan dinmengel ed saray bangat to.

Lucas 15:17

Nen anunotan toy maung inkuantod sikaton dili, ‘Amin da ray katulong na amak dugay kakanen da. Masoluk ni ingen! Siak, balet, wadyan ompapatey lad eras.

Lucas 2:46

Kayariy taloy agew, nalmo rad dalem na Timplo. Akayorung ed pegley da ray mamaistro, onderengel ed sikara tan tetepetan to ra.

Lucas 8:27

Kasakbit nen Jesus, inabet na sakey a lakin taga diman. Inaponan na saray dimonyo yan laki, tan abayag lan ag mankakawes. Ag manaayam ed abung; diad saray inongib a lobuk so panaayaman to.

Lucas 8:34

Nen anengneng na saray mankokomponi na saray baboy so agawa, binmabatik ira tan imbabalita rad baley tan diad saray bario.

Saray Gawgawa 22:3

“Sakey ak a Judio, nianak ak ed Tarso ed Cilicia, balet dia ak binmaleg ed Jerusalem. Nanaral ak ed kinen Gamaliel, tan malet so inkabangat kod Ganggan da ray lalaki tayo. Maseseg so impanlilingkur kod Dios, a singa gagawaen yon amin a wadya natan.

1 Juan 3:8

Siopamay manggaway kasalanan kayaryan na Diablo, ta say Diablo et nankasalanan nanlapud gapo. Pinmanengneng so Anak na Dios a maneral na saray kimey na Diablo.