Lucas 8:24 - Maung A Balita Biblia

²⁴ Sininggeran na saray disipulo si Jesus tan binangon da. “Maistro, Maistro, onlelereg itayo la!” kuanda. Binmangon si Jesus tan ingganggan to ya ontonday bagyo tan saray ankakabaleg a daluyon. Tinmonda ran tua, tan dinmeen a maung so dayat.

Maung a Balita Biblia

²⁴ Sininggeran na saray disipulo si Jesus tan binangon da. Maistro, Maistro, onlelereg itayo la! kuanda. Binmangon si Jesus tan ingganggan to ya ontonday bagyo tan saray ankakabaleg a daluyon. Tinmonda ran tua, tan dinmeen a maung so dayat.

Lucas 8:24 Iomraidhean Croise

Saray Salmo 65:7

Patotondaen moy ungol da ray dayat tan say ungol da ray daluyon; parereenen moy golo da ray katoowan.

Isaias 50:2

“Akin et ag inmebat iray totook nen linma ak a mangilaban ed sikara? Akin et ag ira inmebat nen tinmawag ak? Makapoy ak ta a mangilaban ed sikara? Diad sakey a ganggan ko napaekat koy dayat tan magmaliw a kalawakan iray ilog, et ompatey iray sirad man lapud kakulangay danum.

Jeremias 5:22

Siak so Katawan; akin et ag yo ak takotan? Akin et ag kayo onggiwgiw ed arap ko? Impasen koy kabueran a ketegan na dayat, sakey a mansiansian ketegan ya ag to nalabsanan. Onsipwak iray daluyon to, balet ag to nalabsanan so kabueran; onungol iray daluyon to, balet ag to napalumbasan.

Nahum 1:4

Igaganggan toy dayat et oneekat! Paeekaten to ray ilog! Namamagaan iray kaalogan na Basan, namamagaan so Palandey na Carmelo, tan nalalaylay iray rosas na Libano.

Mateo 14:30

Balet nen alikas toy maksil a dagem, ataktakot tan nankalkalnan onlelereg. “Ilaban mo ak, Katawan!” iningal to.

Mateo 8:25

Saray disipulo nila ran binangon tan inkuanda, “Ilaban mo kami, Katawan, ta onlelereg itayo la!”

Marcos 4:39

Binmangon si Jesus tan ingganggan to may maksil a bagyo, “Tonda ka!” Insan kuantod saray daluyon, “Deen kayo!” Tinmondan tuay bagyo tan dinmeen a maung so dayat.

Lucas 4:35

Ingganggan nen Jesus imay maoges ya ispiritu, “Ag ka maingal! Ekal kad sikato!” Tinumba na dimonyo may laki ed arap na amin a totoo, insan inmekal ya ag to pinasakitan.

Lucas 4:39

Dinago nen Jesus tan nanalagey ed abay na dinokulan to, insan to ginanggan ya onekal imay petang. Nakal so petang to may bii, binmangon a tampol, tan nansirbid sikara.

Lucas 5:5

“Maistro,” ebat nen Simon, “sanlabi kami lan nansagput, et anggapoy nala mi. Balet lapud ibabagam, ipelag ko ray iket.”

Lucas 8:25

Insan kuantod saray disipulo, “Iner so kawalaay pananisia yo?” Balet mankelaw tan natatakot ira, tan inkuandad sakey tan sakey. “Siopa kasi yan too et igganggan toy anggan say bagyo tan saray daluyon, et ontotoluk irad sikato?”