Lucas 8:10 - Maung A Balita Biblia

¹⁰ Inmebat si Jesus, “Niiter ed sikayoy pakaamta ed saray maamut a bengatlan nipaakar ed Panariay Dios. Nipaamtad saray arum, balet diad panamegley na saray alimbawa, pian nengneng la ra man a nengneng, ag da nanengneng met lamlamang; tan dengel la ra man a dengel, ag da natalusan met lamlamang.”

Maung a Balita Biblia

¹⁰ Inmebat si Jesus, Niiter ed sikayoy pakaamta ed saray maamut a bengatlan nipaakar ed Panariay Dios. Nipaamtad saray arum, balet diad panamegley na saray alimbawa, pian nengneng la ra man a nengneng, ag da nanengneng met lamlamang; tan dengel la ra man a dengel, ag da natalusan met lamlamang.

Lucas 8:10 Iomraidhean Croise

Saray Salmo 25:14

Kaaro na Katawan iray matoluk ed sikato, tan papaletan toy impisipanan tod sikara.

Isaias 29:14

Kanyan pakelawen ko ra yan totoo diad panggawak ed sikara na mantotombukan a pakelaw. Saray makabat magmaliw iran makulang-kulang, tan say inkasilib da magmaliw ya andi-kana.”

Isaias 44:18

Diad gaway inkakulang-kulang da ra yan totoo ag da amtay gagawaen da. Ikokopit day mata ra tan sasaraan day kanunotan da ed katwaan.

Isaias 6:9

Kanyan imbaga ton onla ak ya ikuankod saray totoo, “Anggan panoy idengel yo, ag yo natalusan. Anggan panoy inengneng yo, ag yo naamtaan no antoy nagagawa.”

Jeremias 5:21

Dengel kayo, sikayon anggapoy kalakal tan anggapoy pakatalus a totoo. Walay kamataan yo, balet ag kayo makanengneng, walay kalayagan yo, balet ag kayo makadngel.

Ezekiel 12:2

Inkuanto, “Sika a toon ompatey, manaayam kan kaibam iray mananumpan totoo. Walay mata ra, balet anggapoy nanenengneng da; walay layag da, balet anggapoy narerengel da lapud mananumpa ra.

Mateo 11:25

Inkuanen Jesus ed satan, “Misasalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw.

Mateo 16:17

Inkuanen Jesus ed sikato, “Maliket kan tua, Simon ya anak nen Jonas! Ta say Amak ed tawen so angipaamtad sika yan katwaan, aliwan say too.

Marcos 4:11

Inkuanen Jesus, “Niiter ed sikayoy pakaamta ed saray maamut a bengatlan nipaakar ed Panariay Dios, balet saray arum narerengel da labat ed panamegley na alimbawa.

Marcos 4:12

Kanyan, ‘Nengneng la ra man a nengneng, ag da met lamlamang nanengneng; dengel la ra man a dengel, ag da met lamlamang natalusan; ta ompan lagi ompawil irad Dios, et pirdonaen to ra.’”

Juan 12:40

“Binulag na Dios iray kamataan da, tan pinaawet toy kapusoan da, pian ag ira makanengneng, ni makatalus, tan ag ira ompawil ed siak pian paabigen ko ra.”

Saray Taga Roma 16:25

Idayew tayoy Dios a nayarian ton pabiskegey pananisia yo, onung ed Maung a Balitan nipaakar ed Jesu-Cristo ya ipupulong ko; onung ed inkibawag na abaybayag lan niamut a katwaan.

1 CORINTO 12:11

Balet saksakey labat ya Ispiritu so manggagawa ed amin da ra ya, tan nandoroman langkap so iiter tod balang sakey, onung ed linawa to.

Deuteronomio 29:4

Balet anggad natan ag to ni impatalus ed sikayo so kabaliksan na saraman ya asalsali yo.

COLOSAS 2:2

Gagawaen ko ya, pian ombiskeg so linawa ra, mankasakey iran nabalur na aro, tan nawalaan iray intiron kayamanan na ilalo ya iter na tuan pakatalus. Diad ontan, nakabatan day niamut a katwaan na Dios, salanti si Cristo a dili.

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.