Lucas 7:8 - Maung A Balita Biblia

⁸ Ta sakey ak met a walad silong na pakaoley na arum a totoo, tan wala met iray sondalo ed silong na pakaoley ko. Kanyan no kuankod sakey, ‘Laka!’ onla; no kuankod sananey, ‘Gala!’ ondago. No iganggan kod aripen ko, ‘Gawam ya!’ gawaen to.”

Maung a Balita Biblia

⁸ Ta sakey ak met a walad silong na pakaoley na arum a totoo, tan wala met iray sondalo ed silong na pakaoley ko. Kanyan no kuankod sakey, Laka! onla; no kuankod sananey, Gala! ondago. No iganggan kod aripen ko, Gawam ya! gawaen to.

Lucas 7:8 Iomraidhean Croise

Lucas 7:7

Ontan met ya ag ak manepeg ya onlad sika. Ibagam labat lay salita, et onabig lay katulong ko.

Lucas 7:9

Mankelaw si Jesus nen nadngel to ya. Inarap to ray totoon ontotombuk ed sikato tan inkuanto, “Kuankod sikayo: ag ko ni akarumog na ontan lan pananisiay too, ya anggan diad Israel!”

Saray Gawgawa 23:17

Tinawag nen Pablo so sakey ya opisyal tan inkuanto, “Ibaan mo pa yan tobun-balo ya onlad kapitan, ta walay ibaga to.”

Saray Gawgawa 23:23

Anawag imay kapitan na duarad saray opisyal to tan inkuanto, “Iparaan yo ya onlad Cesarea so duan lasus a sondalo, a kaiba ray pitomplon akakabayo, tan duan lasus a managpika. Onla kayoy alas nuibi ed sayan labi.

Saray Gawgawa 23:26

“Nanlapud Claudio Lisias yan sulat a para sika, kagalgalang a Gobirnador Felix: awat moy pabanok.

Saray Gawgawa 23:31

Inonur na saray sondalo ray ganggan ed sikara. Inala ray Pablo tan inyakar dan anggad Antipatris.

Saray Gawgawa 24:23

Kasumpal to, binilin to may opisyal a bantayan day Pablo, balet ag da eeletan a maung, tan ag da sesebelan ya ontulong ed sikato ray kakaaro to.

Saray Gawgawa 25:26

Balet anggapoy malinew ya isulat kod Impirador nipaakar ed sayan too. Kanyan iyaarap kod sikayo tan lautlad sika, Ari Agripa, pian walay nisulat ko, kasumpal tin imbistigaen.

COLOSAS 3:22

Sikayo ran aripen, diad amin a bengatla toluk kayod saray amo yo diad tapew na dalin. Walay makanenengneng man o anggapo mankimey kayo, aliwan lapud pamaliket yod totoo, no ag ingen lapud matoor kayo tan walay panamagalang yod Katawan.