Lucas 7:46 - Maung A Balita Biblia

⁴⁶ Ag mo anggan nilarakay olok, balet sayan bii pinoyukan to ray salik na pabalingit.

Maung a Balita Biblia

⁴⁶ Ag mo anggan nilarakay olok, balet sayan bii pinoyukan to ray salik na pabalingit.

Lucas 7:46 Iomraidhean Croise

2 Samuel 12:20

Binmangon ed datal si David, nanames, nansagaysay, tan nampales. Insan linman angigalang ed abung na Katawan. Nen pinmawil ed palasio, kinmerew na nakan, tan kapangisaklang da, angan.

2 Samuel 14:2

Kanyan impaawit toy sakey a biin masilib a taga Tecoa. Kasabi to, inkuanen Joab ed sikato, “Mankonkuanan kan maermen; mambaliwan ka, tan ag mo sasagaysayen so buek mo. Ipanengneng mon sakey kan bii ya abayag lan maneermen.

Saray Salmo 104:15

tan makapanggawa ray alak a pakaliketan da, larak na oliba a pakagayagaan da, tan tinapay a pakabiskegan da.

Saray Salmo 23:5

Mangipaparaan kay ponsia a para siak, a pakanengnengan ed siak na saray kalaban ko; maliket so pangaawat mod siak, tan manlepwa so pamapanom na kupak.

Ecclesiastes 9:8

Ipanengneng mo lawas a maliket tan magayaga ka.

Daniel 10:3

Ag ak angan na antokaman a mananam a kakanen odino antokaman a karni; ag ak inminom na dinanman ya alak, tan ag ko sinagaysay so buek ko ya anggad kalabas na taloy simba.

Amos 6:6

Saray bason ankabaleg so paniinoman yod saray alak tan sankabalingitan a pabalingit iray ipopoyuk yo, balet ag yo eermenan so kaderal na Israel.

Mikias 6:15

Isibwag yo ray bokel, balet ag yo naani ray bunga ra. Mampespes kayo na larak ed bungay oliba, balet ag yo nikana so larak. Manggawa kayo na alak, balet ag yo ra nainom.

Mateo 6:17

No manayuno ka, mandilamos tan mansagaysay ka,

Lucas 7:47

Kanyan kuankod sika ya apirdona ray amayamay a kasalanan to; papaneknekan ya na impanengneng ton balbaleg a panangaro to. Balet say toon dagdaiset so kasalanan ton apirdona, dagdaiset met so panangaron ipanengneng to.”

Ruth 3:3

Kanyan manames ka, mampabalingit ka, tan isolung moy sankarakepan a kawes mo. Insan lakad panagilikan, balet ag mo ipapalikas a wadman ka anggad ag ni asumpal ya angan tan inminom.