Lucas 7:41 - Maung A Balita Biblia

⁴¹ Inkuanen Jesus, “Walay duaran too ya akautang ed sakey a managpabayes na kuarta. Say sakey akautang na sanliboy pisos tan samay sakey akautang met na sanlasus pisos.

Maung a Balita Biblia

⁴¹ Inkuanen Jesus, Walay duaran too ya akautang ed sakey a managpabayes na kuarta. Say sakey akautang na sanliboy pisos tan samay sakey akautang met na sanlasus pisos.

Lucas 7:41 Iomraidhean Croise

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Jeremias 3:11

Insan inkuan na Katawan ed siak, “Anggaman ya inkaindan ak na Israel, impanengneng to balet a maung ni nen si malamang a Juda.”

Saray Bilang 27:3

“Inatey ed kalawakan si ama mi tan anggapoy anak ton laki. Aliwa ran kabyangan na saray mananumbok nen Core a sinmumpa ed Katawan; inatey ira lapud kasalanan dan dili.

Mateo 18:28

“Nen ompaway la may aripen, nabet toy kapara ton aripen ya akautang ed sikatoy pigan lasus a pisos. Siningkat to, insan to titikelen. ‘Bayaran mo lay utang mod siak!’ inkuanto.

Mateo 6:12

Pirdonam pa iray kasalanan mi, a singa pamipirdona mid saray nankasalanan ed sikami.

Marcos 6:37

Inmebat si Jesus, “Sikayo ingey mangiter na kanen da.” “Say labay mon ibaga,” kuanda, “onla kamin manaliw na tinapay a mambili na duan lasus a dinario ya iter min kanen da?”

Lucas 11:4

Pirdona mo kami pad saray kasalanan mi, ta pirdonaen mi ray amin a nankakasalanan ed sikami. Tan ag mo kami iyaakar ed pakatuksoan.’”

Lucas 12:48

Balet say aripen ya ag to amtay labay a pagaway amo to et akagaway nepeg a panusaan ed sikato, nasiplatay daiset. Say toon naitday dakel, dakel met so ebatan to. Say toon angipiaay dakel, dakel met so paebatan dad sikato.”

Lucas 13:4

Tan nipaakar met ed saramay labinwalon totoo ed Siloe ya inatey lapud atumbaan iray tori, abaloan yo sirin a lalon maoges ni ra nen saray amin nin arum a totoon manaayam ed Jerusalem?

Lucas 7:40

“Simon,” inkuanen Jesus, “wala pay labay kon ibagad sika.” “Anto man, Maistro?” ebat to.

Lucas 7:47

Kanyan kuankod sika ya apirdona ray amayamay a kasalanan to; papaneknekan ya na impanengneng ton balbaleg a panangaro to. Balet say toon dagdaiset so kasalanan ton apirdona, dagdaiset met so panangaron ipanengneng to.”

Saray Taga Roma 3:23

nankasalanan ya amin iray katoowan tan ag ira manepeg ed pakanengneng na Dios.

Saray Taga Roma 5:20

Nen niiter so Ganggan, lalon dinmakel so panaggaway kaogsan. Balet nen dinmakel so kasalanan, lalon binmaleg so panangaroy Dios.