Lucas 7:40 - Maung A Balita Biblia

⁴⁰ “Simon,” inkuanen Jesus, “wala pay labay kon ibagad sika.” “Anto man, Maistro?” ebat to.

Maung a Balita Biblia

⁴⁰ Simon, inkuanen Jesus, wala pay labay kon ibagad sika. Anto man, Maistro? ebat to.

Lucas 7:40 Iomraidhean Croise

1 Saray Arari 2:14

insan to inyarum, “Wala pa labat so kerewen kod sika.” “Anto tan?” tepet nen Bat-seba.

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Malakias 1:6

Say Katawan a Makapanyarin-amin kuantod saray papari, “Say anak papagalangan toy ama to, tan say aripen papagalangan toy amo to. Siak so ama yo—akin et ag yo ak pagalangan? Siak so amo yo, akin et ag yo ak itday galang? Babalawen yo ak balet tetepeten yo, ‘Panoy pamabalaw mid sika?’

Mateo 26:49

Kasabi nen Judas, dinago ton tampol si Jesus tan inkuanto, “Say kareenay walad sika komun, Maistro,” insan to inanguban.

Mateo 7:22

No onsabiy Agew na Okum, dakerakel iray mangibagad siak na: ‘Katawan, Katawan! Diad ngaran mo nampupulong kami, pinapaekal mi ray dimonyo tan nanggagawa kami ray milagro!’

Lucas 18:18

Tinepet na sakey a manonan Judio ed kinen Jesus, “Maung a Maistro, antoy nepeg kon gawaen pian nagamuran koy bilay ya andi-anggaan?”

Lucas 5:22

Amta nen Jesus so walad kanunotan da, kanyan inkuantod sikara, “Akin et ontay walad kanunotan yo?

Lucas 5:31

Si Jesus so inmebat ed sikara, “Aliwan saray maksil so laman so mankaukolan na doktor, no ag saray mansasakit.

Lucas 6:8

Balet amta nen Jesus so walad kanunotan da, kanyan inkuantod samay lakin aparalisis so lima to, “Gala tan alagey ka diad arap.” Dinmago may laki tan nanalagey diman.

Lucas 7:39

Nen anengneng ya na samay Pariseon angimbita, inkuantod sikaton dili, “No tuan propita yan too, kabat to komun no siopa yan bii so mandiriwit ed sikato—sakey a makasalanan!”

Lucas 7:41

Inkuanen Jesus, “Walay duaran too ya akautang ed sakey a managpabayes na kuarta. Say sakey akautang na sanliboy pisos tan samay sakey akautang met na sanlasus pisos.

Juan 13:13

“Tatawagen yo ak na Maistro tan Katawan. Tuay kuanyo, ta ontan ak lanti.

Juan 16:19

Amta nen Jesus a labay dan tepetan, kanyan kuantod sikara, “Mantetepetan kayoy nipaakar ed imbagak, ‘Antiktikey lan panaoy pakanengneng yod siak, balet ag mambayag nanengneng yo ak lamet.’

Juan 16:30

Amta mi la natan a kabat mo ray amin a bengatla tan ag mo kakaukolay anggan siopa a manepet ed sika. Lapud saya manisia kamin nanlapu kad Dios.”

Juan 3:2

Aminsan a labi, linmad kinen Jesus. “Rabi,” kuanto, “amta mi a sakey kan bumabangat ya imbaki na Dios. Ta anggapoy toon makagawa ed saray gagawaen mo, likud no walad sikatoy Dios.”