Lucas 7:22 - Maung A Balita Biblia

²² Inmebat ed saramay imbaki nen Juan, “Pawil kayod kinen Juan tan ibaga yoy anengneng tan nadngel yo: saray bulag makakanengneng ira, saray lopuy makakaakar ira, saray akating onaabig ira, saray telek makakadngel ira, saray inaatey nabibilay ira, tan saray mairap-bilay nipupulong ed sikara so Maung a Balita.

Maung a Balita Biblia

²² Inmebat ed saramay imbaki nen Juan, Pawil kayod kinen Juan tan ibaga yoy anengneng tan nadngel yo: saray bulag makakanengneng ira, saray lopuy makakaakar ira, saray akating onaabig ira, saray telek makakadngel ira, saray inaatey nabibilay ira, tan saray mairap-bilay nipupulong ed sikara so Maung a Balita.

Lucas 7:22 Iomraidhean Croise

Say Libro nen Job 29:15

Nagmaliw ak a mata da ray bulag, tan sali da ray lopuy.

Saray Salmo 146:8

tan iitdan toy pakanengneng iray bulag. Itatanduro to ray atumba; aaroen to ray matonung a totoo to.

Isaias 42:16

“Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.

Isaias 43:8

Say Dios kuanto, “Awit yod korti iray totook. Walay mata ra, balet ag ira makanengneng; walay layag da, balet ag ira makadngel!

Jeremias 31:8

Alaen ko rad bansa ed baybay tan tiponen ko ran manlapud saray sokung na mundo. Milad sikara iray bulag tan saray lopuy, saray malokun tan amin da ray paanak-anak. Ompawil ira a sakey a matalonggaring a bansa.

Sofonias 3:12

Mangikera ak diman na mapaabeba ran totoo ya onsingger iran onkerew ed siak na tulong.

Mateo 11:5

saray bulag makakanengneng ira, saray lopuy makakaakar ira, saray akating onaabig ira, saray telek makakadngel ira, saray inaatey nabibilay ira, tan saray mairap-bilay nipupulong ed sikara so Maung a Balita.

Mateo 21:14

Wala ray bulag tan piley a sinmingger ed kinen Jesus dimad Timplo tan pinapaabig to ra.

Lucas 4:18

“Walad siak so Ispiritu na Katawan, ta pinili to ak a mampulong na Maung a Balita ed saray mairap-bilay. Imbaki to ak a mangibalitad saray apriso a nabolus la ra, tan saray bulag a makanengneng la ra. Imbaki to ak met a mangibalitad saray napapairap a nainawaan la ra,

Lucas 7:21

Diad saman ya oras, pinapaabig nen Jesus iray amayamay a mansasakit, saray nanairapan, tan saray inaaponay dimonyo. Iniitdan toy pakanengneng met iray amayamay a bulag.

Lucas 7:23

Maliket so toon ag naekalay pananisia ed siak!”

Juan 1:46

“Wala tay kamaungan a manlapud Nazaret?” tepet nen Nataniel. “Gala, ta nengneng mo,” ebat nen Felipe.

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

Saray Gawgawa 8:7

Ta amayamay iray maoges ya ispiritun pinmapaway ed saray inaaponan dan totoo, tan naniingal iran pinmapaway. Amayamay met iray inmaabig a lopuy tan piley.

Santiago 2:5

Dengel kayo, inararok iran agagi! Ag ta say Dios pinili to ray mairap-bilay ed tapew na dalin ya onyaman ed pananisia tan manawir ed Panarian ya insipan tod saray mangaarod sikato?