Lucas 7:16 - Maung A Balita Biblia

¹⁶ Asabiay takot iray amin a wadman, tan indaydayew day Dios. Inkuanda, “Sinmabid pegley tayo so matalonggaring a propita! Ag nilingwanay Dios ya ilaban iray totoo to!”

Maung a Balita Biblia

¹⁶ Asabiay takot iray amin a wadman, tan indaydayew day Dios. Inkuanda, Sinmabid pegley tayo so matalonggaring a propita! Ag nilingwanay Dios ya ilaban iray totoo to!

Lucas 7:16 Iomraidhean Croise

Saray Salmo 65:9

Ipapanengneng moy panangarom ed dalin diad pangipepelag moy oran; gagawaen mon mayaman tan mataba. Papanoen mo na danum iray kolus; patotoboen mo ray tantanaman ed dalin. Onya so panggagawam:

Exodo 4:31

Anisia ra, et nen nadngel dan dinalaw iray Katawan tan anengneng toy ontan lan kakairapan da, tinmuek ira tan angigalang irad Katawan.

Jeremias 33:9

Say Jerusalem et magmaliw a panlapwan na liket, galang, tan dayew ko; tan amin a bansa ed intiron mundo ontakot tan onggiwgiw ira no narengelan da ray nipaakar ed maabig a bengatlan gagawaen kod saray totood Jerusalem, tan say aligwas ya iiter kod siudad.”

Mateo 15:31

Mankelaw iray totoo nen naimatunan dan mansasalita la ra may emel, inmaabig la ra may lopuy, manaakar la ra may piley, tan makakanengneng la ra may bulag. Inggalang da so Dios na Israel.

Mateo 21:11

Inmebat iray totoo, “Sikato yay propitan manngaray Jesus a taga Nazaret na Galilea.”

Mateo 28:8

Maganat ira sirin a linma la tan batik iran mangibagad saray disipulo to. Makaliliket ira, balet nantaruk na takot so liket da.

Mateo 9:8

Nen anengneng na saray totoo so agawa ontan lay takot da, tan indayew day Dios lapud impangiter toy onya lan pakayari ed saray totoo.

Lucas 1:65

Ataktakot iray kakaabay da tan kinmayat yan balita ed intiron nipokdul a pasen na Judea.

Lucas 1:68

“Nagalang komuy Katawan a Dios na Israel! Ta nila ton tinulongan tan inyagel so bansa to.

Lucas 19:44

Deralen da ka tan saray totoon walad loob na padir mo. Anggapoy anggan sakey a baton natilak ed pasen to, ta ag mo inasikasoy insabi na Dios a mangilaban ed sika!”

Lucas 2:20

Sinmempet ira may pumapastol ya idaydayew tan igalgalang day Dios lapud samay anengneng tan naimatunan da, ya agawa ran amin onung na imbalitay anghil ed sikara.

Lucas 24:19

“Anto ra tan?” tepet to. Inmebat ira, “Saray agawan nipaakar ed kinen Jesus a taga Nazaret, sakey a propitan makapanyari ed salita tan gawa diad matay Dios tan diad amin a katoowan.

Lucas 5:26

Agaylay pankelaw na amin a totood man, tan natatakot met ira. Indayew day Dios tan inkuanda, “Makapakelaw iray naimatonan mid sayan agew!”

Lucas 5:8

Nen naimatunan nen Simon Pedro yan agawa, dinmakmomo ed saliyan nen Jesus tan inkuanto, “Arawi kad siak, Katawan, ta makasalanan ak a too!”

Lucas 7:15

Inmalagey imay inatey tan ginapoan toy mansalita, tan inter nen Jesus ed samay ina to.

Lucas 7:39

Nen anengneng ya na samay Pariseon angimbita, inkuantod sikaton dili, “No tuan propita yan too, kabat to komun no siopa yan bii so mandiriwit ed sikato—sakey a makasalanan!”

Lucas 8:37

Amin da ray Gadareno kinerew dad kinen Jesus ya ontaynan la, ta ontan lay takot da. Kanyan linmogan lay Jesus ed baloto tan linma la.

Lucas 9:19

“Wala ray mangibabagan sika si Juan a Managbinyag,” ebat da. “Ibabagay arum a si Elias ka; wala met iray mangibabagan sakey ka ed saray propita nen saman ya inmolid bilay.”

Juan 1:21

Tinepet da, “Siopa ka sirin? Sika si Elias?” “Andi, aliwan siak,” ebat to. “Sika may propita ya alagden mi?” tinepet da lamet ed sikato. “Andi,” ebat tod sikara.

Juan 1:25

Tinepet dad kinen Juan, “No aliwa kan Cristo, odino si Elias, odino samay Propita, akin et mamibinyag ka?”

Juan 4:19

Inkuanto may bii ed kinen Jesus, “Nalilikas kon sakey kan propita.

Juan 6:14

Diad impakanengneng na saray totood sayan milagron ginawa nen Jesus, inkuanda, “Sikato yan tua may Propita ya onsabid sankamundoan!”

Juan 9:17

Tinepetan lamet sirin na saray Pariseo may laki. Inkuanda, “Sika met ey, antoy nibagam nipaakar ed sikato, bangta initdan to kay pakanengneng?” Inmebat imay laki, “Propita man a too.”

Saray Gawgawa 5:5

Kadngel nen Ananias ed saya, atumba tan inatey. Sinmabiy baleg a takot ed amin ya akadngel ed saya.

Saray Gawgawa 7:37

Sikato ni ya may Moises a nankuan ed saray Israelita, ‘Mamiliy Dios na sakey ed sikayo tan gawaen ton propita a singa siak.’

TAGA GALACIA 1:24

Kanyan inggalang day Dios lapud siak.

Deuteronomio 18:15

Ingen, mangibaki ed sikayo na sakey a propita a singa siak a manlapud saray totoo yo, tan nepeg ya onuren yo.