Lucas 7:12 - Maung A Balita Biblia

¹² Nen asingger lad puirtay baley, nabet toy tolur na bogbogtung a lakin anak na sakey a biin balo. Amayamay iray mitotolur.

Maung a Balita Biblia

¹² Nen asingger lad puirtay baley, nabet toy tolur na bogbogtung a lakin anak na sakey a biin balo. Amayamay iray mitotolur.

Lucas 7:12 Iomraidhean Croise

Genesis 22:12

“Ag mo didiwiten itay ogaw o panggawaan na antokaman,” inkuanto. “Amtak natan ya oonuren tan gagalangen moy Dios, ta ag mo insiblet ed siak so bogbogtung ya anak mo.”

Genesis 22:2

“Alam so anak mo,” inkuan na Dios, “say bogbogtung ya anak mon si Isaac ya inararom a tuloy, tan lakad dalin na Moria. Diman mo ibagat ed siak si Isaac diad tagey na palandey ya itorok ed sika.”

2 Samuel 14:7

Natan balet, kalaban ak na amin a kakanayon ko, tan labay dan ipalimak ed sikara may sakey ya anak ko, pian napatey da lapud pinatey toy agi to. No gawaen da ya, magmaliw ya anggapoy anak ko! Ekalen day samput a kawalaay ilalok, tan paandian day asawak na anak a mangituloy na ngaran to diad tapew na dalin.”

1 Saray Arari 17:12

Inmebat imay bii, “Diad ngaran na mabilay a Katawan a Dios mo, sambaan kod sikan anggapoy tinapay ko. Sankaakup labat so arinak a walad pasig tan dagdaiset a larak na oliban walad garapon. Linma ak diad mandokdok na itongo, insan ko isempet, ta iparaan ko may arinak a para siak tan say anak kon laki. Kaonuran la man a kanen mi, insan ompatey kami lad eras.”

1 Saray Arari 17:18

Inkuantod kinen Elias, “Too na Dios, akin et ginawam ed siak ya? Linma ka dian mangipanunot ed Dios na kasalanan ko, pian onsabiy patey ed anak ko?”

1 Saray Arari 17:23

Impawil nen Elias imay ogaw diad leksab na abung ed kinen ina to tan kuantod sikato, “Nengneng mo, mabilay so anak mo!”

1 Saray Arari 17:9

“Lakad baley na Sarepta, diad asingger ed Sidon tan manayam kad man. Ingganggan koy sakey a biin balo a tagad man a pakanen to ka.”

2 Saray Arari 4:16

insan inkuanen Eliseo ed sikato, “Diad onya ran agew ed arapen a taon manampopo kay sakey ya anak mon laki.” “Tua?” inkuanto, “Ag mo ak kari titilaan. Sakey kan too na Dios!”

2 Saray Arari 4:20

Inawit na aripen imay ogaw ed kinen ina to, inakwal na samay ina ya anggad kaagwan, insan inatey.

Say Libro nen Job 29:13

Indadayew ak na saray sankapangaskasiyay kipapasen, tan pinaligen koy bilay da ray bibiin balo.

Zacarias 12:10

“Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Lucas 7:11

Ag abayag, linmay Jesus ed sakey a baley a manngaray Nain. Akilad sikato ray disipulo to tan saray dakerakel a totoo.

Lucas 7:13

Nen anengneng na Katawan imay ina na inatey akasian to, kanyan inkuanto, “Ag ka onaakis.”

Lucas 8:42

ta ompapatey so saksakey ya anak ton bii a mantaoy labindua. Nen oonla lay Jesus, deresdesen na amayamay a totoo.

Lucas 8:52

Amin a wadman paneermenan tan panaakisan da may inatey ya ogaw. Inkuanen Jesus, “Ag kayo onaakis. Ag inatey so ogaw; nanaogip labat!”

Juan 11:19

Dakel iray Judio a linman manligliwa ed kindi Marta tan Maria, lapud impatey nen Lazaro ya agi ra.

Saray Gawgawa 9:39

Akilan tuay Pedro ed sikara. Kasabi to, inyakar dad samay kuarto ed tagey. Saray balon bibiin mannangnangis, minokut day Pedro, tan impapanengneng dad sikato ray kolibemben tan, kawekawes a ginagawa nen Dorcas nen mabilay ni.

Saray Gawgawa 9:41

Binembenan nen Pedro ray lima to tan inibaan ton inmalagey. Tinawag to natan ira may mananisia tan saray bibiin balo, tan inyarap tod sikaray Dorcas a mabilay la.

Santiago 1:27

Say rilihion a malinis tan manepenepeg ed arap na Dios tan Ama tayo, saya: say pangasikaso tan panulong ed kairapan na saray olilan sigput tan saray balon bibii, tan say pangasikaso na sikan dili, pian ag ka narotakay kaogsan ed sayan mundo.