Lucas 6:42 - Maung A Balita Biblia

⁴² Panoy pangibagam ed agim, ‘Agi, gala pa ta ekalen koy mokat ed matam,’ no ag mo nanengneng so troson wadtad dilin matam? Mansimpisimpitan! Ekal mo nin onona so troson wadtad matam, insan ka makanengneng a maung tan naekal moy mokat ed matay agim.”

Maung a Balita Biblia

⁴² Panoy pangibagam ed agim, Agi, gala pa ta ekalen koy mokat ed matam, no ag mo nanengneng so troson wadtad dilin matam? Mansimpisimpitan! Ekal mo nin onona so troson wadtad matam, insan ka makanengneng a maung tan naekal moy mokat ed matay agim.

Lucas 6:42 Iomraidhean Croise

Probirbio 18:17

Say ononan mansalita ed korti et singa sikatoy walad katwaan anggad gapwan na kalaban to a tepetan.

Mateo 26:75

Insan anunotan nen Pedro may sinalita nen Jesus ed sikato, “Kasakbayay ikukaok na lalung, ibori mo ak a mamitlo.” Pinmaway si Pedro tan inmakis na ampaipait.

Mateo 7:3

Akin et iimanoen moy mokat ed matay agim, balet et ag mo nanaimanoy troson wadtad dilin matam?

Mateo 7:4

Panoy pangibagam ed agim, ‘Gala pa ta ekalen koy mokat ed matam,’ no walay troso ed dilin matam?

Lucas 13:15

Inmebat ed sikato so Katawan, “Mansimpisimpitan kayon talaga! Ag yo ta ookbaren a painumen so baka o asno yo no Agew na Panagpainawa?

Lucas 22:32

Balet Simon, impikasi ta kan ag naandiy pananisiam. No pinmawil lay pananisiam ed siak, pabiskeg moy linawa da ray agagim.”

Lucas 6:41

“Akin et imanoen moy mokat ed matay agim, balet et ag mo naimanoy troson wadtad dilin matam?

Lucas 6:43

“Anggapoy maung a kiew a mambungay makapoy, tan anggapoy makapoy a kiew a mambungay maung.

Saray Gawgawa 13:10

tan inkuanto, “Sika ya anak na Diablo! Kalaban moy amin a kamaungan, tan napno kay amin a panamalingo tan kaogsan! Akin et pipikeweten mo ray katwaan a nipaakar ed Katawan?

Saray Gawgawa 2:38

Inmebat si Pedro ed sikara, “Magbabawi kayod saray kasalanan yo, tan mampabinyag kayod ngaran nen Jesu-Cristo, et diad ontan, napirdona ray kasalanan yo. Awaten yo met ed satan so Ispiritu Santo a panangaroy Dios.

Saray Gawgawa 8:21

Anggapoy betang odino kanepegan mod sayan kimey, ta marotak ed arap na Dios so pusom.

Saray Taga Roma 2:1

Kanyan siopa ka man a too a manintinsiad arum, anggapoy nibaraan mo. Ta diad panintinsiam ed arum a too, sintinsiaan moy laman mon dili, lapud sikan manintinsia et gagawaen mo met so gagawaen da.

2 CORINTO 5:18

Say Dios so nanggawad sayan amin. Aliwa kami lan kabosul to, no ag ingen imbilang to kami lan kaaro to diad panamegley nen Cristo, tan initdan to kamiy kimey a mamapawil ed saray arum a totoo ed sikato.

2 Timoteo 2:21

Siopamay onaarawid kaogsan nikana para nidoma-doma ran getma, ta sikatoy nigana tan makana-kanad Katawan. Sikatoy sipaparaan a nikanad amin a maung iran gawgawa.

2 Pedro 1:9

Balet siopamay toon anggapod sikato ra yan ogali, sikatoy korarap tan ag makanengneng, tan alingwanan to ya apirdona la ray imbeneg a kasalanan to.