Lucas 6:37 - Maung A Balita Biblia

³⁷ “Ag yo sisintinsiaay kapara yon too, pian ag kayo met sintinsiaay Dios. Ag yo dudusaey kapara yon too, pian ag kayo met dusaey Dios. Pirdona yoy kapara yon too, pian pirdonaen kayo met na Dios.

Maung a Balita Biblia

³⁷ Ag yo sisintinsiaay kapara yon too, pian ag kayo met sintinsiaay Dios. Ag yo dudusaey kapara yon too, pian ag kayo met dusaey Dios. Pirdona yoy kapara yon too, pian pirdonaen kayo met na Dios.

Lucas 6:37 Iomraidhean Croise

Isaias 65:5

Insan da kukuan ed saray arum a totoo, ‘Arawi kayod sikami, ag yo kami nayarin diwiten lapud masansanto kami!’ Ag ko naanosan ira yan totoo—singa apoy ya ag naerep so pasnuk kod sikara.

Mateo 18:30

Balet ag inmabuloy. Impaipriso to ni ingen ya anggad ag to pakabayar.

Mateo 5:7

“Maliket iray mapangasi, ta kasian iray Dios!

Marcos 11:25

No onalagey kayon mampikasi, pirdona yo ray nankasalanan ed sikayo, pian pirdonaen met na Ama yon walad tawen iray kasalanan yo.”

Lucas 23:16

Kanyan pasipsiplatan ko, insan ko la ibolus.”

Lucas 6:36

Nepeg yoy mapangasi, a singa say mapangasin Ama yo.”

Saray Gawgawa 3:13

Say Dios di Abraham, Isaac, tan Jacob, say Dios na saray lalaki tayo so angiter na sankatageyan a kagalangan ed Aripen ton si Jesus. Balet impalima yod saray manoley tan ag yo binirbir ed arap nen Pilato, anggaman a labay to la komun ya ibolus.

TAGA-EFESO 4:32

Ingen, mankakasiyan tan manaarowan kayo tan mampipirdonaan kayo, a singa impamirdonay Dios ed sikayo diad panamegley nen Cristo.

COLOSAS 3:13

Mantutulongan kayo, tan mampipirdonaan kayo no walay irap na linaway sakey ed sananey. Mampipirdonaan kayo, onung na impamirdonay Katawan ed sikayo.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Santiago 5:9

Agagi, ag kayo mansasalitay maoges a sumlang ed sakey tan sakey, pian ag kayo sintinsiaay Dios. Maganggano lan onsabiy Huis!