Lucas 6:35 - Maung A Balita Biblia

³⁵ Aliwan ontan! Aro yo ray kalaban yo, tan manggawa kayoy kamaungan ed sikara. Mamabayes kayo ya ag yo ilaloan lan ompawil. No sikato yay tombuken yo, balbaleg so naawat yon tumang tan nibilang kayon anak na Sankatageyan a Dios. Ta maung so Dios ed saray maoges tan saray ag da amtay mamirbir na utang na linawa.

Maung a Balita Biblia

³⁵ Aliwan ontan! Aro yo ray kalaban yo, tan manggawa kayoy kamaungan ed sikara. Mamabayes kayo ya ag yo ilaloan lan ompawil. No sikato yay tombuken yo, balbaleg so naawat yon tumang tan nibilang kayon anak na Sankatageyan a Dios. Ta maung so Dios ed saray maoges tan saray ag da amtay mamirbir na utang na linawa.

Lucas 6:35 Iomraidhean Croise

Saray Salmo 112:5

Maliket so toon mabonluk a piutangan tan ag to amtay mansaol.

Saray Salmo 145:9

Sikatoy maung ed amin a too tan mapangasi ed amin a pinalsa to.

Saray Salmo 37:26

Mabolus lawas so linawa ton mangiter tan mamapabayes ed kapara ton too, tan bindision iray anak to.

Saray Salmo 58:11

Ikuay katoowan, “Tuan natutumangan iray matonung; tuan walay Dios a manisintinsiad sankamundoan.”

Probirbio 19:17

No mangiter kad saray mairap-bilay singa papautangen moy Katawan, et say Katawan so mambayar ed sika.

Probirbio 22:9

Nabindisionan ka no mabonluk so panangiter mo tan inagnag mod saray mairap-bilay so kakanen mo.

Mateo 5:9

“Maliket iray manggagaway polaing na mareen a panoolup da ray katoowan, ta ibilang iray Dios ya anak to!

Marcos 5:7

insan to iningaingal, “Jesus, Anak na Sankatageyan a Dios, antoy pibabalim ed siak? Diad ngaray Dios, ipangasim ta ag mo ak papairapen!”

Lucas 1:32

Magmaliw a matalonggaring yan laki tan natawag ya Anak na Sankatageyan a Dios. Say Dios a Katawan pagmaliwen ton sakey ya ari, a singa si David a laki to.

Lucas 6:36

Nepeg yoy mapangasi, a singa say mapangasin Ama yo.”

Juan 13:35

No manaarowan kayo, naamtaay amin a totoo a sikayo ray disipulok.”

Juan 15:8

No mambunga kayoy dakel, napagalangay Amak tan napatnagan a disipulo ta kayo.

Saray Gawgawa 14:17

Balet ag tinmondan mangiter na pakabirbiran yod sikato, diad panamegley na kamaungan a gagawaen to. Iitdan to kayoy oran a manlalapud tawen tan maung a panagani ed niganan panaon to. Iitdan to kayoy nakan, tan papanoen toy liket iray puso yo.”

2 CORINTO 8:9

Ta kabat yoy panangaroy Katawan tin Jesu-Cristo; anggaman a mayaman nagmaliw a mairap-bilay makasengeg ed sikayo, pian onyaman kayo diad panamegley na inkamairap-bilay to.

2 Timoteo 3:2

Magmaliw a saray totoo maaro rad kuarta tan maaro rad sikaran dili, mapanta, mapaatagey, managpaoges, ag da onuren iray atateng da, ag da amtay mamirbir na maung a linawa, tan ibeneg day pananisiad Dios;