Lucas 6:25 - Maung A Balita Biblia

²⁵ “Pakaskasi ki la, sikayon napepesel natan, ta naerasan kayo! Pakaskasi ki la, sikayon maneelek natan, ta onermen tan onakis kayo!

Maung a Balita Biblia

²⁵ Pakaskasi ki la, sikayon napepesel natan, ta naerasan kayo! Pakaskasi ki la, sikayon maneelek natan, ta onermen tan onakis kayo!

Lucas 6:25 Iomraidhean Croise

Saray Salmo 49:19

mitipon met lamlamang ed saray lalaki to no ompatey, diad pasen a kawalaay bilonget ya ag mangangga.

Probirbio 14:13

Nayarin niamut na elek so ermen. No naandi lay liket, wala lawas so ermen.

Probirbio 30:9

Ta no daakan so kakanen ko, ompan ibagak ya ag ta ka nakaukolan. Balet no mairap so bilay ko, ompan mantakew ak, et nipelag kod kababaingan so Dios ko.

Ecclesiastes 2:2

Asokayan ko a say elek et inkakulang-kulang, tan say liket et anggapoy iiter ton kaabigan.

Ecclesiastes 7:3

Magmaung niy ermen nen say elek, ta nayarin pabilongeten toy lupam, balet aruman toy pakatalus mo.

Ecclesiastes 7:6

Say elek na toon makulang-kulang et singa masalanisit a kasabitan a napopoolan. Anggapoy kabaliksan to.

Isaias 28:7

Abuek iray pati propita tan saray papari, kanyan mandongilngil ira. Mapalaloy karakel na nainom dan alak, kanyan mantumba ra tan ag da amtay gagawaen da. Akainom a maung iray propita, kanyan ag da natalusay pasingayew na Dios, tan saray papari et mapalaloy inkabuek da, kanyan aliway sintinsia ra ed saray kason niaapireng ed sikara.

Isaias 65:13

Kanyan ibagak ed sikayo a saray mangigagalang tan mangoonur ed siak et nawalaan ira na daakan a nakan tan nainom, balet naerasan tan naapgaan kayo. Manliket ira, balet napelag kayod kababaingan.

Isaias 8:21

Saray totoo et nakalan iray ilalo tan narasan iran manakar-akar ed intiron dalin. Diad eras tan pasnuk da, ayewen day ari ra tan say Dios da. Nayarin ontangay irad tawen

Isaias 9:20

Diad intiron bansa saray totoo alaen tan kanen day antokaman a naakan da, balet ag iran balut napesel. Kanen day anggan saray dilin anak da!

Amos 8:10

Pagmaliwen kon panagermen iray pista yo tan salatan ko na panagugol lapud ermen iray maliket a kansion yo. Pankiskisen ta kayo na kaoluan yo tan pansulongen ta kayoy sako, tan magmaliw kayon singa saray atateng a maermen lapud impatey na saksakey ya anak dan laki. Diad satan ya agew mapalaloy ermen da ray totoo ya anggad samput.

Nahum 1:10

Napoolan kayo a singa kapoolan na saray alokut-lokut a sabitan tan amagaan a dayami!

Lucas 12:20

Balet inkuay Dios ed sikato, ‘Kulang so kalakal mo! Diad sayan labi, ompatey ka. Siopa natay manawir ed saratay imparaan mon para sika?’”

Lucas 13:28

Agaylad satay pannangis tan panngalatenget na ngipen yo no nanengneng yo ra di Abraham, Isaac, Jacob tan amin da ray propita a wala rad Panariay Dios et nibantak kayo balet ed paway!

Lucas 6:24

“Pakaskasi ki la, sikayon mamayaman, ta naawat yo lay ligliwa yo!

Lucas 6:26

“Pakaskasi ki la no daydayewen kayoy amin a totoo, ta onyay ginagawa na saray lalaki ra ed saray tila-tilan propita.”

Lucas 8:53

Inelek-elekan da labat si Jesus, ta amta ran inatey la may ogaw.

TAGA-EFESO 5:4

Mabanday met ya agamilen yoy marotak, maoges iran salita, tan say andi-kakanaan a panaglurey. Ingen, misalamat kayod Dios.

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

Santiago 4:9

Manermen, manakis, tan mannangis kayo; say panagelek yo salatan yoy pannangis tan say panagliket yo salatan yoy panagermen!

Puyan 3:17

Ikuanmo, ‘Mayaman ak, tan duga ak ed amin a nakaukolan ko!’ Balet ag mo amtan maniirap tan pakaskasi ka! Mairap-bilay ka, anggapoy kawes mo, tan bulag ka.

1 Samuel 2:5

Saray totoon daakan so kakanen da nen saman miuupa la ra natan a mananap na nakan, balet aliwa lan narasan iray anggapoy nakan nen saman. Say biin lepes nananak na pitora, balet anggapoy nakdaan ya anak na biin maanak.