Lucas 5:8 - Maung A Balita Biblia

⁸ Nen naimatunan nen Simon Pedro yan agawa, dinmakmomo ed saliyan nen Jesus tan inkuanto, “Arawi kad siak, Katawan, ta makasalanan ak a too!”

Maung a Balita Biblia

⁸ Nen naimatunan nen Simon Pedro yan agawa, dinmakmomo ed saliyan nen Jesus tan inkuanto, Arawi kad siak, Katawan, ta makasalanan ak a too!

Lucas 5:8 Iomraidhean Croise

2 Samuel 6:9

Insan tinmakot si David ed Katawan tan kuanto, “Panon ko natan ya isempet so Kaban na Sipanan?”

1 Saray Arari 17:18

Inkuantod kinen Elias, “Too na Dios, akin et ginawam ed siak ya? Linma ka dian mangipanunot ed Dios na kasalanan ko, pian onsabiy patey ed anak ko?”

Say Libro nen Job 40:4

“Katawan, nansalita ak na andi-kabaliksan. Antoy niebat ko ni? Pepetan ko lay songut ko.

Exodo 20:19

Inkuandad kinen Moises, “No mansalita kad sikami, ondengel kami; balet ag mo pansasalitaen ed sikami so Dios, ta ompan ompatey kami.”

Isaias 6:5

Inkuanko, “Pakaskasi ak la! Anggapo lay ilalok! Maoges ya amin so sasalitaen na dilak, tan manaayam ak ed kawalaan da ray totoon maoges so sasalitaen da. Naamtaan ko ya, lapud say Ari a Katawan a Makapanyarin-amin so anengneng na saray dilin matak.”

Mateo 17:6

Diad ontan lan inkataktakot da ra may disipulo ed samay bosis, tinmakba rad dalin.

Mateo 2:11

Kaloob dad abung anengneng day ogaw tan si Maria ya ina to. Dinmakmomo ran angigalang ed samay ogaw. Impaway da ray awit dan rigalo a balituk, insinso, tan mira, insan da inter ed sikato.

Mateo 8:8

Balet inmebat imay kapitan, “Katawan, ag ak manepeg a laen mo nid abung ko. Ibagam labat lay salita et onabig lay katulong ko.

Lucas 5:7

Kinaweyan dan ondago tan ontulong iray kakaiba rad samay sakey a baloto. Dinmago ra tan diad inkapanoy duaran baloto na siran inkarga ra, ngalngali ra onlereg.

Lucas 5:9

Nikelawan si Simon tan saray amin a wadman, lapud karakel na siran nala ra.

Juan 11:32

Akasabiy Maria ed pasen a kawalaan nen Jesus. Nen anengneng toy Jesus, dinmakmomod saliyan to, tan kuanto, “Katawan, no wadya ka labat, ag komun inatey so agik!”

1 CORINTO 13:12

Say nanenengneng tayo natan et singa burarog a lupa ed salming; balet onsabiy agew a nanengneng tayo ed lupa-lupaan. Daiset niy amtak natan, balet onsabiy agew a magmaliw ya ayadyari so pakaamtak, a singa ayadyarin pakapikabat na Dios ed siak.

Puyan 1:17

Kanengneng kod sikato, singa ak inatey ya alokbub ed saliyan to. Balet intapew toy kawanan a lima tod siak tan inkuanto: “Ag ka natatakot! Siak so sankaonaan tan say sankasamputan.

Saray Huis 13:22

Inkuanen Manoa ed samay asawa to, “Andi-saew ya ompatey ita, ta anengneng ta lay Dios!”

1 Samuel 6:20

Kanyan inkuan na saray taga Bet-semes, “Siopay nayarin ontalindeg ed arap na Katawan, sayan masanton Dios? Iner so pangyakaran tayod Kaban to, pian naarawian to tayo la?”