Lucas 5:5 - Maung A Balita Biblia

⁵ “Maistro,” ebat nen Simon, “sanlabi kami lan nansagput, et anggapoy nala mi. Balet lapud ibabagam, ipelag ko ray iket.”

Maung a Balita Biblia

⁵ Maistro, ebat nen Simon, sanlabi kami lan nansagput, et anggapoy nala mi. Balet lapud ibabagam, ipelag ko ray iket.

Lucas 5:5 Iomraidhean Croise

Ezekiel 47:10

Manlapud Sobul na En-gadi ya anggad Sobul na En-eglaim, wala ray sumisigay ed gilig na dayat, tan ipanat dad man ya ipamaga iray iket da. Walad man iray amayamay a nandoroman klasiy sira a singa diad Dayat a Mediteraneo.

Lucas 17:13

tan iningal da, “Jesus! Katawan! Kasian mo kami!”

Lucas 8:24

Sininggeran na saray disipulo si Jesus tan binangon da. “Maistro, Maistro, onlelereg itayo la!” kuanda. Binmangon si Jesus tan ingganggan to ya ontonday bagyo tan saray ankakabaleg a daluyon. Tinmonda ran tua, tan dinmeen a maung so dayat.

Lucas 8:45

Tinepet nen Jesus, “Siopay aniwit ed siak?” Nen anggapoy mamirbir, inkuanen Pedro, “Maistro, deresdesen tan leletleten kay amayamay a totoo!”

Lucas 9:33

Nen ontataynan la ra may lalaki, inkuanen Pedro ed kinen Jesus, “Maistro, maung ta wadya itayo. Manggawa kamiy taloran ayaman: sakey so para sika, sakey so para si Moises, tan sakey so para si Elias.” (Diad tuay tua ag to amtay ibabaga to.)

Lucas 9:49

Inkuanen Juan, “Maistro, akanengneng kamiy sakey a toon mamapaekal na saray dimonyo ed ngaran mo. Binano mi, lapud aliwan kabyangan na olupan tayo.”

Juan 15:14

Kakaaro ta kayo, no onuren yo ray ganggan ko.

Juan 2:5

Imbagay ina tod satan ed saray katulong, “Onur yoy antokaman ya ibaga to.”

Juan 21:3

Inkuanen Simon Pedro ed saray kakaiba to, “Mansigay ak.” “Mila kami,” kuandad sikato. Kanyan nambaloto ran linma. Balet diad saman a labi anggapoy nala ra.