Lucas 5:32 - Maung A Balita Biblia

³² Ag ak dia linman manawag ed saray matonung, no ag ingen linma ak dian manawag ed saray makasalanan, pian mampatauli ra.”

Maung a Balita Biblia

³² Ag ak dia linman manawag ed saray matonung, no ag ingen linma ak dian manawag ed saray makasalanan, pian mampatauli ra.

Lucas 5:32 Iomraidhean Croise

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Mateo 18:10

“Imano yo ta ompan balawen yoy sakey ed sarayan ogogaw. Kuankod sikayo a diad tawen, saray anghil da ra yan ogogaw et wala ran naynay ed arap na Amak ed tawen.

Mateo 9:13

Laki la tan aral yoy kabaliksan na sayan ibabagay Masanton sulat: ‘Say panangasi so labay ko, aliwan say pangibagat na ayayep.’ Ag ak dia linman manawag ed saray matonung, no ag ingen linma ak dian manawag ed saray makasalanan.”

Marcos 15:10

Ta kabkabat nen Pilato ya inyawat na saray manonan papari si Jesus ed sikato, lapud pakakaibeg da.

Marcos 15:7

Diad saman a panaon walay sakey a lakin manngaray Barabbas a walad prisowan. Kaiba to ray totoon akapatey nen walay golon sumpad gobirno.

Marcos 2:17

Nadngel ira nen Jesus kanyan sikatoy inmebat, “Aliwan saray maksil so laman da so mankaukolan na doktor, no ag ingen saray mansasakit. Ag ak dia linman manawag ed saray matonung, no ag ingen linma ak dian manawag ed saray makasalanan.”

Lucas 15:10

Ontan met, kuankod sikayo, so panliket na saray anghil na Dios lapud sakey a toon mampataulid saray kasalanan to.”

Lucas 15:7

Ontan met, kuankod sikayo, a babaleg so liket ed tawen lapud sakey a toon mampataulid saray kasalanan to, nen say siamaplo tan siam a totoon matonung ya ag da la nakaukolay mampatauli.”

Lucas 19:10

Ta say Anak na Too linma dian mananap tan mangilaban ed abalang.”

Lucas 24:47

tan diad ngaran to, say pagbabawi tan say kapirdona na saray kasalanan et nepeg a nipulong ed amin a bansa, manlapud Jerusalem.

Lucas 5:31

Si Jesus so inmebat ed sikara, “Aliwan saray maksil so laman so mankaukolan na doktor, no ag saray mansasakit.

Lucas 5:33

Wala ray angibagad kinen Jesus, “Saray disipulo nen Juan mabetbet iran manayuno tan mampikasi; ontan da met iray disipulo na saray Pariseo. Balet andi-tonda so paniinom tan pangakan da ray disipulom.”

Saray Gawgawa 17:30

Pinaolyay Dios iray panaon na anggapoy pikakabat na saray totoo ed sikato, balet natan igaganggan to ran amin diad inerman a pasen a mampatauli la ra.

Saray Gawgawa 2:38

Inmebat si Pedro ed sikara, “Magbabawi kayod saray kasalanan yo, tan mampabinyag kayod ngaran nen Jesu-Cristo, et diad ontan, napirdona ray kasalanan yo. Awaten yo met ed satan so Ispiritu Santo a panangaroy Dios.

Saray Gawgawa 20:21

Impupulong kod saray Judio tan saray Hintil a nepeg day mampataulid saray kasalanan da, ompawil irad Dios, tan manisia rad Katawan a Jesu-Cristo.

Saray Gawgawa 3:19

Kanyan magbabawi kayo la tan pawil kayo lad Dios, pian naponas iray kasalanan yo,

Saray Gawgawa 3:26

Kanyan piniliy Dios so Aripen to tan onaan kayo ya angibakian to, pian nabindisionan to kayo, diad panamegley na panulong tod sikayon mangibeneg ed maoges a panagbilay yo.”

Saray Gawgawa 5:31

Intanduroy Dios ed nikawanan to tan ginawa ton Pangulo tan Manangilaban a mangiter ed saray totood Israel na pankanawnawa ran mampatauli tan mangibeneg ed saray kasalanan da, pian napirdona ra.

2 Pedro 3:9

Say Katawan ag to babayagen a gawaen so insipan to, a singa nababaloay arum. Aanosan to kayo, ta ag to labay a walay nadusa, no ag ingen labay ton ibeneg na amin komun iray kasalanan da.