Lucas 5:1 - Maung A Balita Biblia

¹ Aminsan ya agew, manalalagey si Jesus ed gilig na Dayat na Genesaret. Manleletletan ya onsingger ed sikato ray totoon ondengel ed salitay Dios.

Maung a Balita Biblia

¹ Aminsan ya agew, manalalagey si Jesus ed gilig na Dayat na Genesaret. Manleletletan ya onsingger ed sikato ray totoon ondengel ed salitay Dios.

Lucas 5:1 Iomraidhean Croise

Saray Bilang 34:11

Insan mamaarap ed abalaten ya anggad Harbel a bokig na Ain, tan ontuloy ed saray kapokdulan diad nibokig a gilig na Dayat na Galilea,

Mateo 11:12

Nanlapud impampulong nen Juan a Managbinyag ya anggad natan, nanairapan a maung so Panariay tawen tan sasamsamen na masesebeg a totoo.

Mateo 14:34

Binmaliw irad dayat tan sinmakbit irad Genesaret.

Marcos 3:9

Imbaga nen Jesus ed saray disipulo to a mangiparaan iray baloton loganan to, ta ompan narisgo lapud karakel na totoon onderesdes ed sikato.

Marcos 4:1

Nambangat lamet si Jesus ed gilig na Dayat na Galilea. Diad karakel na totoon dinmadagod sikato, linmogan ed sakey a baloton walad tapew na danum. Saray totoo balet, nandengel irad sakbit, diad gilig na danum.

Marcos 5:24

Akilan tuay Jesus ed sikato. Dakerakel met iray totoon tinmombuk tan nantotolakan iran onsingger ed kinen Jesus.

Marcos 6:53

Binmaliw irad dayat tan kasakbit dad Genesaret, diman da insarsar so baloto.

Lucas 12:1

Nen libo-libon totooy nantitipon, a diad karakel da et makapanggagatinan la ra, inkuanen Jesus ya onona ed saray disipulo to, “Manalwar kayod libadura na saray Pariseo, salanti say pansimpisimpitan da.

Lucas 5:2

Anengneng nen Jesus so duaran baloto a tinaynan ed gilig na dayat na saray sumisigay, ta oorasan da ray iket da.

Lucas 8:22

Aminsan ya agew, linmogad baloto si Jesus tan saray disipulo to. Inkuantod sikara, “Ombaliw itayo.” Kanyan sinmiput ira.

Lucas 8:23

Nen ombabaliw ira, akaogip si Jesus. Binmagyo ed kawalaan dan dayat, tan say baloto ngalngali la napanoy danum, kanyan piligro la ra.

Lucas 8:33

Kanyan pinmaway ira may dimonyo ed samay laki tan linmoob irad saramay baboy. Insan binmatik ed pandel ira may baboy, naplag irad dayat tan nalner ira.

Lucas 8:45

Tinepet nen Jesus, “Siopay aniwit ed siak?” Nen anggapoy mamirbir, inkuanen Pedro, “Maistro, deresdesen tan leletleten kay amayamay a totoo!”

Juan 1:40

Say sakey ed saray duaran akadngel ed kinen Juan tan tinmombuk ed kinen Jesus et si Andres ya agi nen Simon Pedro.

Juan 6:1

Kasumpal to ya, binmasil si Jesus ed biek na Dayat na Galilea (o Dayat na Tiberias).

Deuteronomio 3:17

Diad sagur nasabi na ketegan da so Ilog na Jordan, manlapud Dayat na Galilea diad baybay ya anggad Dayat ya Inatey diad abalaten tan diad Palandey na Pisga diad bokig.

Saray Hebreo 13:7

Nunot yo ray inmoonan pangulo yo a nampulong ed sikayoy salita na Dios. Nunot yo no antoy nansumpalay bilay da, tan alig yoy pananisia ra.

Josue 12:3

sakop to met ni so Patar na Jordan manlapud Dayat na Galilea diad sagur ya anggad Bet-jesimot (a bokig na Inatey a Dayat) tan nasabi toy alusadsar na Palandey na Pisga.

Josue 13:27

Diad Patar na Jordan sakop na dalin da so Bet-haram, Bet-nimra, Sucot, tan Safon, say akeraan ed nanarian nen Ari Sehon na Hesbon. Say ketegan dad sagur et say Ilog na Jordan ya anggad baybay na Dayat na Galilea.