Lucas 4:35 - Maung A Balita Biblia

³⁵ Ingganggan nen Jesus imay maoges ya ispiritu, “Ag ka maingal! Ekal kad sikato!” Tinumba na dimonyo may laki ed arap na amin a totoo, insan inmekal ya ag to pinasakitan.

Maung a Balita Biblia

³⁵ Ingganggan nen Jesus imay maoges ya ispiritu, Ag ka maingal! Ekal kad sikato! Tinumba na dimonyo may laki ed arap na amin a totoo, insan inmekal ya ag to pinasakitan.

Lucas 4:35 Iomraidhean Croise

Saray Salmo 50:16

Balet kuay Dios ed saray totoon maoges, “Antoy kanepegan yon mangidadalatdat ed saray ganggan ko? Antoy kanepegan yon manotongtong na nipaakar ed impisipanan ko?

Zacarias 3:2

Samay anghil na Katawan kuantod kinen Satanas, “Dusaen ka komun na Katawan, sika Satanas! Dusaen ka komun na Katawan ya inaro to so Jerusalem. Sayan too et aliling toy sakey a pegpeg na kiew ya inalad kawalaay pool.”

Mateo 17:18

Nampasnukan nen Jesus imay dimonyo, kanyan inmekal ed samay ogaw. Tan manlapud saman a bekta, inmabig.

Mateo 8:26

“Akin et ontan lay takot yo?” kuanen Jesus. “Agaylay kapoy na pananisia yo!” Inmalagey ed satan si Jesus, tan ingganggan ton ontonday bagyo tan saray daluyon. Tinmondan tuay bagyo tan dinmeen so dayat.

Marcos 1:26

Samay maoges ya ispiritu pinatayegteg ton maung imay laki, inmingal na maksil, insan inmekal ed sikato.

Marcos 4:39

Binmangon si Jesus tan ingganggan to may maksil a bagyo, “Tonda ka!” Insan kuantod saray daluyon, “Deen kayo!” Tinmondan tuay bagyo tan dinmeen a maung so dayat.

Marcos 9:26

Inmakis na ampaipait imay maoges ya ispiritu, tan pinatayegteg to may ogaw, insan inmekal. Nagmaliw a singa bangkay imay ogaw, kanyan inkuan da ray karaklan, “Inatey la!”

Lucas 11:22

Balet no labanan tan taloen na lalon mabiskeg nen sikato, naala ni ra may armas a nanmatalkan to, tan apagen na sayan matakew iray tinatakew to.

Lucas 4:23

Kanyan inkuantod sikara, “Andisaew ya ibaga yod siak imay oliran: ‘Doktor, tambal moy laman mon dili!’ Ikuanyo met ni, ‘Gawam met ed dilin baley mo ray abalitaan min ginagawam ed Capernaum!’”

Lucas 4:39

Dinago nen Jesus tan nanalagey ed abay na dinokulan to, insan to ginanggan ya onekal imay petang. Nakal so petang to may bii, binmangon a tampol, tan nansirbid sikara.

Lucas 4:41

Pinmapaway iray dimonyo ed amayamay a totoo. Nen ompapaway ira, iniingal da, “Sikay Anak na Dios!” Balet binano ra nen Jesus, tan ag to ra abuloyan a mansalita, lapud amta ran sikato so Cristo.

Lucas 8:24

Sininggeran na saray disipulo si Jesus tan binangon da. “Maistro, Maistro, onlelereg itayo la!” kuanda. Binmangon si Jesus tan ingganggan to ya ontonday bagyo tan saray ankakabaleg a daluyon. Tinmonda ran tua, tan dinmeen a maung so dayat.

Lucas 9:39

Inaponay dimonyo tan no onsigi, bigla-biglan makaingal, insan mantayetayegteg tan mambora-boray songut to. Ontan lay pamapairap na dimonyo ed sikato tan ag to taynan!

Lucas 9:42

Nen ondarago may ogaw, tinumbay dimonyo tan pinatayegteg to. Nampasnukan nen Jesus imay dimonyo, pinaabig to may ogaw, insan to impawil ed ama to.

Puyan 12:12

Kanyan manggayaga kayo, sikayon katawenan tan sikayon manaayam ditan! Balet sikayo, dalin tan dayat, pakaskasi kayo! Ta linmeksab ed sikayo so Diablo tan agaylay pasnuk to, lapud amta ton antikey lan panaoy atilak ed sikato.”