Lucas 3:9 - Maung A Balita Biblia

⁹ Akaparaan lay wasay a pamatang ed saray kiew ya anggad lamut. Amin a kiew ya ag mambungay maung nabatang tan nibantak ed apoy.”

Maung a Balita Biblia

⁹ Akaparaan lay wasay a pamatang ed saray kiew ya anggad lamut. Amin a kiew ya ag mambungay maung nabatang tan nibantak ed apoy.

Lucas 3:9 Iomraidhean Croise

Ezekiel 31:18

“Samay kiew et say Egipto tan amin da ray totoo to. Anggan saray kiew ed Eden ag ira ontalona ed kaatagey tan karakpan to. Balet natan, singa saray kiew ed Eden, onla may kiew ed pasen a panaayaman da ray inaatey tan mikasakey ed saray maoges tan saray inaatey ed bakal. Siak so nansalita,” kuay Katawan a Dios.

Daniel 4:14

Imbawag tod makmaksil a bosis, ‘Batang yoy kiew tan salingsing yo ray sanga to; ekal yo ray bolung to tan itayak yo ray bunga to. Abul yo ray ayayep a walad silong to tan saray kamanukan a walad sangasanga to.

Daniel 4:23

Legan kan mamabantay, walay sakey ya anghil ya inmakseb a nanlapud tawen tan kuanto, ‘Batang yoy kiew tan deral yo, balet itilak yod dalin so sengeg to tan isinger yo na golunggolung a balatyang, tan gansa. Paolyan yod man ed alog a kaiba to ray dikan malambut. Paolyan yon nalinaewan yan laki, tan nakaiba ton pitoy taon iray ayayep.’

Mateo 3:10

Akaparaan lay wasay a pamopod saray kiew ya anggad lamut. Amin a kiew ya ag mambungay maung so napopo tan napoolan.

Mateo 7:19

Say kiew ya ag mambungay maung, popoen tan poolan.

Lucas 13:6

Sinalita nen Jesus yan alimbawa ed sikara, “Walay sakey a toon walay kiew ya igos ed kaubasan to. Ninengneng to no walay bunga, balet anggapoy nalmo to.

Lucas 13:7

Kanyan inkuantod inkargado to, ‘Taloy taon lan oonla ak dian mananap na bunga to yan kiew, balet anggapoy naalmok. Batang mo la, ta dadaraken to labat so tabay dalin!’

Lucas 13:9

No mambunga ed ontombuk a taon, maung met; no andi, insan ti la batangen.’”

Juan 15:6

Say ag mansiansiad siak, nibantak ed paway tan namagaan a singa sanga. Natipon tan nibantak ed apoy ira yan klasiy sanga, pian napoolan ira.

Saray Hebreo 10:28

Pateyen ya anggapoy panangasi so siopaman ya ag mangonur ed Ganggan nen Moises no, lapud pantasi na duara o talora, et nalmoan a nankasalanan.

Saray Hebreo 12:29

ta say Dios tayo et manangoput ya apoy.