Lucas 24:44 - Maung A Balita Biblia

⁴⁴ Insan inkuantod sikara, “Sikara yay sinalitak ed sikayo nen kaibiba ta kayo ni. Imbagak ed sikayon nepeg a nasumpal ya amin iray nisulat nipaakar ed siak diad Ganggan nen Moises, diad saray sulat da ray propita, tan diad saray Salmo.”

Maung a Balita Biblia

⁴⁴ Insan inkuantod sikara, Sikara yay sinalitak ed sikayo nen kaibiba ta kayo ni. Imbagak ed sikayon nepeg a nasumpal ya amin iray nisulat nipaakar ed siak diad Ganggan nen Moises, diad saray sulat da ray propita, tan diad saray Salmo.

Lucas 24:44 Iomraidhean Croise

Genesis 14:18

Inabet met nen Melkisedek ya ari na Salem tan pari na Sankatageyan a Dios. Inawitan toy Abram na tinapay tan alak,

Genesis 22:18

Nabindisionan iray amin a bansad mundo a singa impamindision kod saray kabyangay boleg mo—lapud inonur moy ganggan ko.”

Genesis 3:15

Pambosulan ta ka tan samay bii; mambosulan lawas so anak mo tan say anak to. Temeken na anak to so olom tan ketketen mo so mokur da.”

Genesis 49:10

Bembenan toy baston na ari. Manoley lawas iray kabyangay boleg to. Maniter ed sikato iray bansa na buis da Tan ondakmomo ran ontoluk ed sikato.

Saray Salmo 118:22

Say baton impasen ya andi-kakanaan na saray karpintiro nagmaliw lamlamang a sankakanaan a bato.

Isaias 28:16

Balet natan saya so kuan na Katawan a Dios; “Mangipapasen ak ed Sion na mabiskeg tan baleg a pundasion. Mangililira ak ed pundasion na baleg a baton suyok ya akapangisulatan na sarayan salita, ‘Maanos met so malet a pananisia.’

Isaias 52:13

Say Katawan kuanto, “Maung so kasumpalay kimey na aripen ko; ontan lay kitanduro tan kigalang to.

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Jeremias 23:5

Say Katawan kuanto, “Onsabiy panaon a mamili ak na ari a matonung a kabyangay boleg nen David. Sayan ari manoley a sikakabat tan gawaen tod intiron dalin so katonungan tan kaptekan.

Jeremias 33:14

Inkuan na Katawan, “Onsabiy panaon a sumpalen koy sipan kod saray totood Israel tan Juda.

Ezekiel 17:22

Sikato ya so ibabaga na Katawan a Dios: “Alaen koy toktok na atagey a kiew a sidro tan mamoter ak na sibwal ton sanga; itanem ko ed atagey a palandey,

Ezekiel 34:23

Itdan ko ray sakey ya arin singa si aripen kon David tan sikatoy saksakey a mampastol ed sikara, tan asikasoen to ra.

Daniel 2:44

Diad panaon da ra man a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Daniel 7:13

Legan na sayan pasingayew ed labi, anengneng koy singa sakey a too. Onsisingger ed siak, ya aliber na saray lorem, tan linmad samay mambibilay ya anggad angga tan niparontal ed sikato.

Oseas 3:5

Balet onsabiy panaon a saray totood Israel et ompawil ira lamet ed Katawan a Dios da tan diad sakey a kabyangay boleg nen David ya ari ra. Insan takotan day Katawan tan makaawat ira na saray marakep a rigalo to.

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Zacarias 12:10

“Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Zacarias 13:7

Say Katawan a Makapanyarin-amin kuanto, “Bangon ka, ispada, ta dogpaan moy pumapastol a mankikimey na para siak! Patey mo, pian nikaykayat iray karniro! Dogpaan ko ray totook

Zacarias 14:4

Diad satan a panaon sikatoy manalagey ed Palandey na Kaolibaan, a mamaarap ed bokig na Jerusalem. Insan napaldua na maawang a patar imay Palandey na Kaolibaan manlapud bokig ya anggad sagur. Say kapaldua na palandey ondere ed bandad baybay tan say kapaldua ondere ed bandad abalaten.

Zacarias 6:12

Ibagam ed sikato a say Katawan a Makapanyarin-amin kuanto, ‘Say toon tatawagen na Say Sanga et onaligwas ed kawalaan to tan pasimbaloen ton ipaalagey so Timplo na Katawan.

Zacarias 9:9

Manliket kayo na baleg, sikayon totood Sion! Eyag kayod liket, sikayon totood Jerusalem! Nengneng yo, onsasabid sikayo so ari yo! Onsasabin analo tan sipapalabo, balet mapaabeba tan akakabayod sakey a kilaw na asno—

Saray Bilang 21:8

Insan say Katawan imbaga tod kinen Moises a manggawa na gansan oleg tan ibitin tod sakey a teken, pian mambilay so siopaman ya aketket na oleg insan onnengneng ed gansan oleg.

Saray Bilang 35:25

Say karaklan et nepeg ya iyagel dad kanayon na samay toon napatey imay toon makapatey, kanyan nepeg dan ipawil ed siudad na salimbengan a binatikan to la. Nepeg a manayam diman ya anggad ipatey na Pangulon Pari ed saman a panaon.

Mateo 1:22

Agawa yan amin, pian nasumpal so inkuan na Katawan diad panamegley na propita,

Mateo 16:21

Nanlapud saman, ginapoan ya imbaga nen Jesus a nakaukolan ya onla ed Jerusalem tan pairapen na saray mamatakken na baley, saray manonan papari, tan saray iskriba. Papatey da, balet onolid bilay diad kumatlon agew.

Mateo 26:54

Balet no ontan, panon a nasumpal so ibabagay Masanton Sulat ya onyay nagawa?”

Mateo 26:56

Balet agawa yan amin pian nasumpal so ibabaga ray propita ed Masanton Sulat.” Nagsibatik ya amin iray disipulo tan tinaynan dan bukbukor si Jesus.

Marcos 9:31

lapud ibabangat tod saray disipulo to, “Niawat so Anak na Too ed lima da ray totoon mamatey ed sikato, balet onolid bilay kayariy taloy agew.”

Lucas 21:22

Ta saraya lay ‘Agew na Dusa,’ pian ontuay amin ya ibabagay Masanton Sulat.

Lucas 22:37

Ta kuankod sikayon nepeg a nasumpal so ibabaga na Masanton Sulat nipaakar ed siak, ‘Sikatoy nibilang a sakey a kriminal.’ Ta nagagawa lay nisulat a nipaakar ed siak.”

Lucas 24:46

Inkuantod sikara, “Onyay nisulat: nakaukolan a manirap so Cristo tan onolid bilay ed kumatlon agew,

Lucas 9:22

Inkuanto nid sikara, “Nepeg a manirap a maung so Anak na Too. Ag awaten na saray mamatakken na baley, saray manonan papari, tan saray iskriba. Papatey da, balet onolid bilay diad kumatlon agew.”

Lucas 9:44

“Ag yo lilingwanay ibagak ed sikayo natan! Say Anak na Too nipalima ed pakayariy totoo.”

Juan 3:14

No panoy impangibitin nen Moises na samay gansan oleg ed kalawakan, ontan met a nakaukolan a nibitin so Anak na Too,

Juan 5:39

Aaralen yoy Masanton Sulat lapud ipapasen yon sikatoy pakalmoan yoy bilay ya andi-anggaan. Sikato so mantatasi ed siak.

Juan 5:46

No tuan anisiaan yoy Moises, panisiaan yo ak met komun lapud sikatoy nansulat na nipaakar ed siak.

Saray Gawgawa 13:33

sinumpal tod sikatayon anak da, nen pinaoli tod bilay si Jesus. Onung na ibabagay kumadwan Salmo: ‘Sikay Anak ko; manlapud sayan agew, siak so Amam.’

Saray Gawgawa 13:40

Manalwar kayo sirin, pian ag nagawad sikayoy inkuan na saray propita, inkuan na saray propita,

Saray Gawgawa 2:27

lapud ag mo ak ikaindan ed pasen a panaayaman da ray inaatey ag mo iyabuloy a naboluk so masanton aripen mo.

Saray Gawgawa 3:18

Balet diad sayan ginawa yo, sinumpal na Dios so abayag lan imbaga to, diad panamegley da ray propita, a manirap so Cristo to.

Saray Gawgawa 7:37

Sikato ni ya may Moises a nankuan ed saray Israelita, ‘Mamiliy Dios na sakey ed sikayo tan gawaen ton propita a singa siak.’

Saray Hebreo 10:1

Say Ganggan anino labat tan aliwan nagnap a pakanengnengan na saray maung nin bengatla ya onsabi. Ag ton balut nayarian a gawaen a nagnap iray onsingger ed Dios diad panamegley na saray bagat ya isaklang a tinaon-taon.

Saray Hebreo 3:5

Si Moises matoor a managlingkur ed abung na Dios, balet pinaneknekan to labat iray bengatlan ibagay Dios ed arapen.

Saray Hebreo 7:1

Sayay Melkisedek ari na Salem tan pari na Sankatageyan a Dios. Nen ompapawil si Abraham, kasumpal ton akibakal a pinapatey to ray arari, inabet nen Melkisedek tan binindisionan to.

Saray Hebreo 9:8

Malinlinew ed saraya ya ipapaamta na Ispiritu Santo a say dalan ya onlad Sankasantosan a Pasen et aliwa nin lokas, ambegyan wala ni may onaan a parti.

1 Pedro 1:11

Sinali ran inanap no kapigan tan no panoy isabi to yan panaon. Say Ispiritu nen Cristo a walad sikara intoro to yan panaon, nen impasakbay to ray kairapan a liknaen nen Cristo tan say kagalangan ya ontombuk.

Puyan 19:10

Dinmakmomo ak ed saliyan to a mangigalang ed sikato, balet inkuanto, “Aleg! Sakey ak met ya aripen a singa sika tan saray agagim ya amaneknek na katwaan ya impaamta nen Jesus. Say Dios so igalang mo!” Ta say katwaan ya impaamta nen Jesus sikatoy ispiritu na propisiya.